“నెచ్చెలి”మాట
పురుషులతోడిదే జీవనం
-డా|| కె.గీత
ఇదేవిటి?
పురుషులతోడిదే జీవనం
స్త్రీలతోడిదే జీవనం
ఉండునా?
నామమాత్రపు
స్త్రీలతోడిదే జీవనం
ఎక్కడో ఉన్నప్పటికీ
ఖచ్చితంగా
పురుషులతోడిదే జీవనం
ఉండును
అసలిది
మీకు
తెలుసా!
పురుషులతోడిదే
జీవనం
అని నమ్మడం
కళ్ళు మూసుకుని
జీవించడం
ఒక్కటే-
తండ్రి
అన్నయ్య
తమ్ముడు
భర్త
కొడుకు
బంధమేదైనా
బతుకు
ఎవరికో
ఒకరికి
అప్పగించి
నిశ్చింతగా
పచారీలు
తెచ్చుకోవడం
తెలుసుకోకుండా
టీవీ
చూస్తూ
గడిపే
జీవితం
బానే ఉండును-
కాదు కాదు
బహు భేషుగ్గా
ఉండును!
మరి
వచ్చిన
చిక్కేవిటీ?
ఈ
ఉద్బోధనలేవిటీ?
వస్తున్నా
అక్కడికే
వస్తున్నా-
హాయిగా
కడుపులో
చల్ల
కదలకుండా
ఉండు
జీవితంబు
ఎంత
వరకు
సజావుగా
ఉండును?
అన్నీ
సక్రమంగా
జరిగిన
వరకు-
హఠాత్తుగా
సదరు
భర్తకేమైనా
అయితే?
సదరు
భర్తగారికి
మోజు తీరి
“పోతే”?
సదరు
భర్త
……
…….
అబ్బా!
ఈ రోజుల్లో
ఎవరున్నారండీ
ఇంత
ఆధారపడే
ఆడవాళ్లు!
అయినా
ఇవన్నీ
నూటికో
కోటికో
ఒక్కరికి
జరుగుతాయి
అందులో
మనం ఉంటామా?
హయ్యో!
అందులో
ఉన్నవాళ్ళ
కోసమేనండీ
ఇదంతా-
అందులో
ఏ అమ్మాయీ
ఉండకూడదనే
ఇదంతా!
****
నెచ్చెలి పాఠకులందరికీ సదవకాశం:
ప్రతినెలా నెచ్చెలి పత్రికలో వచ్చే రచనలు / “నెచ్చెలి” యూట్యూబ్ ఛానెల్లో వచ్చిన ఆర్టికల్స్ వేటిపైనైనా వచ్చిన కామెంట్ల నించి ప్రతి నెలా ఒక ఉత్తమ విశ్లేషణాత్మక కామెంటుని ఎంపిక చేసి ప్రకటిస్తాం. పాత రచనల మీద కూడా కామెంట్లు చెయ్యవచ్చు.
మరింకెందుకు ఆలస్యం? రచనల్ని చదివి వివరంగా కామెంట్లు పెట్టడం ప్రారంభించండి.
వినూత్నం, వైవిధ్యం ప్రధాన నిలయాలైన “నెచ్చెలి” వస్తున్న వివిధ వినూత్న రచనల్ని తప్పక చూసి, చదివి ఆనందిస్తారు కదూ!
*****
మే 2023 లో ఎంపికైన ఉత్తమ కామెంటు రాసిన వారు: ధరణి
ఉత్తమ కామెంటు అందుకున్న పోస్టు: ఆ చిరునవ్వు ఆగిపోయింది (కవిత) –పారుపల్లి అజయ్ కుమార్
ఇరువురికీ అభినందనలు!
*****
డా|| కె.గీత పూర్తిపేరు గీతామాధవి. వీరు “నెచ్చెలి” వ్యవస్థాపకులు, సంపాదకులు. తూ.గో.జిల్లా జగ్గంపేటలో జన్మించారు. ప్రముఖ కథా రచయిత్రి శ్రీమతి కె. వరలక్ష్మి వీరి మాతృమూర్తి. భర్త, ముగ్గురు పిల్లలతో కాలిఫోర్నియాలో నివాసముంటున్నారు.
ఆంధ్ర విశ్వవిద్యాలయంలోఇంగ్లీషు, తెలుగు భాషల్లో ఎం.ఏ లు, తెలుగు భాషా శాస్త్రం లో పిహెచ్.డి చేసి, 10 సం. రాల పాటు మెదక్ జిల్లాలో ప్రభుత్వ కళాశాల అధ్యాపకురాలిగా పనిచేసారు. ఆంధ్ర ప్రదేశ్ ప్రభుత్వం నించి 2006 లో “ఉత్తమ ఉపాధ్యాయ అవార్డు ” పొందారు.అమెరికాలో ఇంజనీరింగ్ మేనేజ్ మెంట్ లో ఎం.ఎస్ చేసి, ప్రస్తుతం సాఫ్ట్ వేర్ రంగంలో భాషా నిపుణురాలిగా పనిచేస్తున్నారు.
ద్రవభాష, శీతసుమాలు,శతాబ్దివెన్నెల, సెలయేటి దివిటీ, అసింట కవితాసంపుటులు, సిలికాన్ లోయ సాక్షిగా కథాసంపుటి, వెనుతిరగనివెన్నెల నవల, At The Heart of Silicon Valley -Short stories (2023),Centenary Moonlight and Other Poems(2023) ప్రచురితాలు. నెచ్చెలి ప్రచురణ “అపరాజిత” – గత ముప్పయ్యేళ్ల స్త్రీవాద కవిత్వం (1993-2022) పుస్తకానికి సంపాదకులు & ప్రచురణకర్త. ‘యాత్రాగీతం’ ట్రావెలాగ్స్, ‘కంప్యూటర్ భాషగా తెలుగు’ పరిశోధనా వ్యాసాలు కొనసాగుతున్న ధారావాహికలు. అజంతా, దేవులపల్లి, రంజనీ కుందుర్తి, సమతా రచయితల సంఘం అవార్డు, తెన్నేటి హేమలత-వంశీ జాతీయ పురస్కారం, అంపశయ్య నవీన్ పురస్కారం మొ.న పురస్కారాలు పొందారు.
టోరీ రేడియోలో “గీతామాధవీయం” టాక్ షోని నిర్వహిస్తున్నారు. తానా తెలుగుబడి ‘పాఠశాల’కు కరికులం డైరెక్టర్ గా సేవలందజేస్తున్నారు. కాలిఫోర్నియా సాహితీ వేదిక “వీక్షణం”, తెలుగు రచయిత(త్రు)లందరి వివరాలు భద్రపరిచే “తెలుగురచయిత” వెబ్సై ట్ వ్యవస్థాపకులు, నిర్వాహకులు.