“నెచ్చెలి”మాట
సత్యమేవజయతే
-డా|| కె.గీత
సత్యమేవజయతే!
అంటే
ఏవిటంటారు?
అయ్యో
ఎలక్షన్లు
వస్తున్నాయి
ఆమాత్రం తెలీదా?
సత్యమే
జయించును
కాబట్టి
సత్యమే
పలుకవలెను
అర్థం
బావుంది
కానీ
ఆ పేరు
గల వారెవరూ
నిలబడ్డం లేదే !
అయినా
నిలబడ్డ వాళ్ళంతా
సత్యమే
పలుకుతారనా?
అయ్యో
నిలబడ్డ వాళ్ళు
కాదండీ-
వారితో పోటీ చేసేవారు
ఎదుటివారిని
ఓడించడానికి
లోపాయకారి
ఆయుధంలా
తవ్వి తీస్తారే
అదన్నమాట!
అమెరికాలోనా?
ఇండియాలోనా?
యూరప్ లోనా?
ఎక్కడైనా
పరిస్థితి
ఒక్కటే
సత్యము
పలికే
విధానంబు
మాత్రమే
వేరు వేరు!!
హయ్యో-
ఒకరికి
సత్యమయ్యేది
మరొకరికి
అసత్యం!
ఒకరికి
అసత్యమయ్యేది
మరొకరికి
సత్యం!!
అయినా
ఒక్క
“అ” తేడాలో
ఏముంది?
ఎడ్జస్టు కావచ్చుగా!
అన్ని
ఎలక్షన్లలోనూ
సెలక్షన్లలోనూ
ఎడ్జస్టు
అవుతూనే
ఉన్నాం-
అందుకే
మన బతుకులిలా
తగలడ్డాయి!!
ముందా
దిక్కుమాలిన
స్లోగన్లని
తగలెయ్యండి!!!
అయ్యో
అది
స్లో- గన్
కాదండీ
ఫాస్ట్ – గన్
ఏది ఎలా మారినా
తను రవ్వంతైనా
మారని
నిజం!
సత్యం!
సత్యమేవజయతే !!
****
నెచ్చెలి పాఠకులందరికీ సదవకాశం:
ప్రతినెలా నెచ్చెలి పత్రికలో వచ్చే రచనలు / “నెచ్చెలి” యూట్యూబ్ ఛానెల్లో వచ్చిన ఆర్టికల్స్ వేటిపైనైనా వచ్చిన కామెంట్ల నించి ప్రతి నెలా ఒక ఉత్తమ విశ్లేషణా త్మక కామెంటుని ఎంపిక చేసి ప్రకటిస్తాం. పాత రచనల మీద కూడా కామెంట్లు చెయ్యవచ్చు.
మరింకెందుకు ఆలస్యం? రచనల్ని చదివి వివరంగా కామెంట్లు పెట్టడం ప్రారంభించండి.
వినూత్నం, వైవిధ్యం ప్రధాన నిలయాలైన “నెచ్చెలి” వస్తున్న వివిధ వినూత్న రచనల్ని తప్పక చూసి, చదివి ఆనందిస్తారు కదూ!
*****
సెప్టెంబరు 2023 లో ఎంపికైన ఉత్తమ కామెంటు రాసిన వారు: పి.సురేఖ
ఉత్తమ కామెంటు అందుకున్న పోస్టు: సంపాదకీయం
ఇరువురికీ అభినందనలు!
*****
డా|| కె.గీత పూర్తిపేరు గీతామాధవి. వీరు “నెచ్చెలి” వ్యవస్థాపకులు, సంపాదకులు. తూ.గో.జిల్లా జగ్గంపేటలో జన్మించారు. ప్రముఖ కథా రచయిత్రి శ్రీమతి కె. వరలక్ష్మి వీరి మాతృమూర్తి. భర్త, ముగ్గురు పిల్లలతో కాలిఫోర్నియాలో నివాసముంటున్నారు.
ఆంధ్ర విశ్వవిద్యాలయంలోఇంగ్లీషు, తెలుగు భాషల్లో ఎం.ఏ లు, తెలుగు భాషా శాస్త్రం లో పిహెచ్.డి చేసి, 10 సం. రాల పాటు మెదక్ జిల్లాలో ప్రభుత్వ కళాశాల అధ్యాపకురాలిగా పనిచేసారు. ఆంధ్ర ప్రదేశ్ ప్రభుత్వం నించి 2006 లో “ఉత్తమ ఉపాధ్యాయ అవార్డు ” పొందారు.అమెరికాలో ఇంజనీరింగ్ మేనేజ్ మెంట్ లో ఎం.ఎస్ చేసి, ప్రస్తుతం సాఫ్ట్ వేర్ రంగంలో భాషా నిపుణురాలిగా పనిచేస్తున్నారు.
ద్రవభాష, శీతసుమాలు,శతాబ్దివెన్నెల, సెలయేటి దివిటీ, అసింట కవితాసంపుటులు, సిలికాన్ లోయ సాక్షిగా కథాసంపుటి, వెనుతిరగనివెన్నెల నవల, At The Heart of Silicon Valley -Short stories (2023),Centenary Moonlight and Other Poems(2023) ప్రచురితాలు. నెచ్చెలి ప్రచురణ “అపరాజిత” – గత ముప్పయ్యేళ్ల స్త్రీవాద కవిత్వం (1993-2022) పుస్తకానికి సంపాదకులు & ప్రచురణకర్త. ‘యాత్రాగీతం’ ట్రావెలాగ్స్, ‘కంప్యూటర్ భాషగా తెలుగు’ పరిశోధనా వ్యాసాలు కొనసాగుతున్న ధారావాహికలు. అజంతా, దేవులపల్లి, రంజనీ కుందుర్తి, సమతా రచయితల సంఘం అవార్డు, తెన్నేటి హేమలత-వంశీ జాతీయ పురస్కారం, అంపశయ్య నవీన్ పురస్కారం మొ.న పురస్కారాలు పొందారు.
టోరీ రేడియోలో “గీతామాధవీయం” టాక్ షోని నిర్వహిస్తున్నారు. తానా తెలుగుబడి ‘పాఠశాల’కు కరికులం డైరెక్టర్ గా సేవలందజేస్తున్నారు. కాలిఫోర్నియా సాహితీ వేదిక “వీక్షణం”, తెలుగు రచయిత(త్రు)లందరి వివరాలు భద్రపరిచే “తెలుగురచయిత” వెబ్సై ట్ వ్యవస్థాపకులు, నిర్వాహకులు.
satyam gelustumdaa?
ఓటు వేయాలంటేనే చిరాగ్గా వుంది. ఒకర్ని ఒకరు ఛీ, థూ .. అనుకోవడం తప్ప ఎక్కడి చెత్త అక్కడే వుంది. ధూళి, దుస్తితి multiply అవుతున్నాయే కానీ …. సమర్థవంతమైన పాలన లేదు. ఎక్కడుంది లోపం?