“నెచ్చెలి”మాట
(అ)సంతృప్తి
-డా|| కె.గీత
సంతృప్తి –
అసంతృప్తి –
ఒక్క అక్షరం
తేడాలో
ఏముంది?!
కాదు
కాదు
ఆ
ఒక్క
అక్షరంలోనే
అంతా
ఉంది-
ప్రపంచమంతా
ఉంది-
అ(దే)
అన్నిటినీ
తలకిందులు
చేస్తుంది
అసలు
ఎవరికైనా
దేనికైనా
సంతృప్తి
అనేది
ఉందా?!
ఎన్ని
చేసినా
ఇంకా
ఎవరో
ఏదో
చేయలేదనే –
నిరంతరం
ఎవరో ఒకరి మీద
నెపాలే
నిరంతరం
ఏదో ఒక దానికి
ఫిర్యాదులే
అసలు
ఎవరైనా
మనకు
ఏదైనా
ఎందుకు
చెయ్యాలి?
అసలు
మనం
ఎవరికైనా
ఎప్పుడైనా
ఏదైనా
చేసామా!
అన్న
వివేచన
ఎవరికైనా
ఉందా?!
అసలు
సంతృప్తిని
ఇవ్వగలమా
దేనికైనా?!
మానవ మాత్రులం
సంతృప్తి
పడగలమా
దేనికైనా?!
అసంతృప్తిని
పొందినంత
సులభంగా
సంతృప్తిని
పొందగలమా?!
అవసరమైన
అసంతృప్తి
సరే-
అక్కర్లేని
అసంతృప్తి
దేనికి?!
ఏదేమైనా
ఏది
చేసినా
సంతృప్తి
లేని వారికి
ఏం
చేసినా
సంతృప్తి
కలగదు
ఎవరినో
నిందించక
ఫిర్యాదు చెయ్యక
మానరు
ఎవరి
ధర్మం
ప్రకారం
వారు
చెయ్యడమొక్కటే
మార్గం!
ఎవరి
సంతృప్తులూ
అసంతృప్తులతో
సంబంధం
లేకుండా
****
నెచ్చెలి పాఠకులందరికీ సదవకాశం:
ప్రతినెలా నెచ్చెలి పత్రికలో వచ్చే రచనలు / “నెచ్చెలి” యూట్యూబ్ ఛానెల్లో వచ్చిన ఆర్టికల్స్ వేటిపైనైనా వచ్చిన కామెంట్ల నించి ప్రతి నెలా ఒక ఉత్తమ విశ్లేషణా త్మక కామెంటుని ఎంపిక చేసి ప్రకటిస్తాం. పాత రచనల మీద కూడా కామెంట్లు చెయ్యవచ్చు.
మరింకెందుకు ఆలస్యం? రచనల్ని చదివి వివరంగా కామెంట్లు పెట్టడం ప్రారంభించండి.
వినూత్నం, వైవిధ్యం ప్రధాన నిలయాలైన “నెచ్చెలి”లో వస్తున్న వివిధ వినూత్న రచనల్ని తప్పక చూసి, చదివి ఆనందిస్తారు కదూ!
*****
సెప్టెంబరు, 2025 లో ఎంపికైన ఉత్తమ కామెంటు రాసిన వారు: చిట్టత్తూరు మునిగోపాల్
ఉత్తమ కామెంటు అందుకున్న పోస్టు: జీవిత చదరంగం (కథ) రచయిత – అయ్యలసోమయాజుల సుబ్రహ్మణ్యము
ఇరువురికీ అభినందనలు!
****
డా|| కె.గీత పూర్తిపేరు గీతామాధవి. వీరు “నెచ్చెలి” వ్యవస్థాపకులు, సంపాదకులు. తూ.గో.జిల్లా జగ్గంపేటలో జన్మించారు. ప్రముఖ కథా రచయిత్రి శ్రీమతి కె. వరలక్ష్మి వీరి మాతృమూర్తి. భర్త, ముగ్గురు పిల్లలతో కాలిఫోర్నియాలో నివాసముంటున్నారు.
ఆంధ్ర విశ్వవిద్యాలయంలోఇంగ్లీషు, తెలుగు భాషల్లో ఎం.ఏ లు, తెలుగు భాషా శాస్త్రం లో పిహెచ్.డి చేసి, 10 సం. రాల పాటు మెదక్ జిల్లాలో ప్రభుత్వ కళాశాల అధ్యాపకురాలిగా పనిచేసారు. ఆంధ్ర ప్రదేశ్ ప్రభుత్వం నించి 2006 లో “ఉత్తమ ఉపాధ్యాయ అవార్డు ” పొందారు.అమెరికాలో ఇంజనీరింగ్ మేనేజ్ మెంట్ లో ఎం.ఎస్ చేసి, ప్రస్తుతం సాఫ్ట్ వేర్ రంగంలో భాషా నిపుణురాలిగా పనిచేస్తున్నారు.
ద్రవభాష, శీతసుమాలు,శతాబ్దివెన్నెల, సెలయేటి దివిటీ, అసింట కవితాసంపుటులు, సిలికాన్ లోయ సాక్షిగా కథాసంపుటి, వెనుతిరగనివెన్నెల నవల, At The Heart of Silicon Valley -Short stories (2023),Centenary Moonlight and Other Poems(2023) ప్రచురితాలు. నెచ్చెలి ప్రచురణ “అపరాజిత” – గత ముప్పయ్యేళ్ల స్త్రీవాద కవిత్వం (1993-2022) పుస్తకానికి సంపాదకులు & ప్రచురణకర్త. ‘యాత్రాగీతం’ ట్రావెలాగ్స్, ‘కంప్యూటర్ భాషగా తెలుగు’ పరిశోధనా వ్యాసాలు కొనసాగుతున్న ధారావాహికలు. అజంతా, దేవులపల్లి, రంజనీ కుందుర్తి, సమతా రచయితల సంఘం అవార్డు, తెన్నేటి హేమలత-వంశీ జాతీయ పురస్కారం, అంపశయ్య నవీన్ పురస్కారం మొ.న పురస్కారాలు పొందారు.
టోరీ రేడియోలో “గీతామాధవీయం” టాక్ షోని నిర్వహిస్తున్నారు. తానా తెలుగుబడి ‘పాఠశాల’కు కరికులం డైరెక్టర్ గా సేవలందజేస్తున్నారు. కాలిఫోర్నియా సాహితీ వేదిక “వీక్షణం”, తెలుగు రచయిత(త్రు)లందరి వివరాలు భద్రపరిచే “తెలుగురచయిత” వెబ్సై ట్ వ్యవస్థాపకులు, నిర్వాహకులు.
సంతృప్తి, అసంతృప్తి ఒక్క అక్షరం తేడాతో డా ll గీత గారి మాటలు చాలా బాగున్నాయి.