“నెచ్చెలి”మాట
“కొత్త” ఉత్సాహం – 2026
-డా|| కె.గీత
కొత్త
ఏడాది
వచ్చేసిందోచ్-
హ్యాపీ న్యూ ఇయర్
2026
ఆ
సంవత్సరాలు
వస్తున్నాయి
పోతున్నాయి
ఇందులో
“కొత్త”
ఏవుందటా?
అసలు
ఉత్సాహం
ఏవుందట!
అదే మరి
అలా
నిరుత్సాహ
పడితే
ఎలా?
జీవితం
చివరాఖర్న
ఏవుందటా?
అంతా
ప్రతిదినంబునందే
యున్నది
అని యనుకొనవచ్చు
కదా
అలా
ఈసురోమని
పడి ఉండకుండా
ఏదోలా
కాస్త
ఉత్సాహం
కొని తెచ్చుకోవచ్చు
కదా!
అదేనండీ
ఎక్కణ్ణించొస్తుంది
కొత్త ఉత్సాహం
అదేదో
సెలవియ్యండి
కిందటేడాదిలానే
ఈ సంవత్సరమూ
ఈ సంవత్సరంలానే
వచ్చే ఏడాదీ
ఇందులో
కొత్త ఏం ఉంది?
వింత ఏం ఉంది?
హుమ్…
వింత ఏం లేకపోవచ్చు
కొత్తగా ఏదైనా
ప్రయత్నించవచ్చు
కదా-
కొత్త
ఏడాదిని
సంతోషంగా
ఆహ్వానించవచ్చు
కొన్ని కొత్త పనులు
ప్రారంభించవచ్చు
ఏవైనా కొత్త
విషయాలు
నేర్చుకోవచ్చు
నిన్ను వలె
నీ పొరుగు వారిని
ప్రేమించవచ్చు
చాలు చాలు
ఇన్ని కొత్త
విషయాలు
విన్నాకా
కొత్త
ఉత్సాహం
రాక ఛస్తుందా?
ఆ… సర్లే
హ్యాపీ న్యూ ఇయర్
2026!
అదే
కాస్త
ఉత్సాహంగా
చెబుదురూ!
అందరికీ
హ్యాపీ…….. న్యూ ఇయర్
చాలా?!
అందరికీ
మాత్రమే
కాదు
మీకు
కూడా!
****
నెచ్చెలి పాఠకులందరికీ సదవకాశం:
ప్రతినెలా నెచ్చెలి పత్రికలో వచ్చే రచనలు / “నెచ్చెలి” యూట్యూబ్ ఛానెల్లో వచ్చిన ఆర్టికల్స్ వేటిపైనైనా వచ్చిన కామెంట్ల నించి ప్రతి నెలా ఒక ఉత్తమ విశ్లేషణా త్మక కామెంటుని ఎంపిక చేసి ప్రకటిస్తాం. పాత రచనల మీద కూడా కామెంట్లు చెయ్యవచ్చు.
మరింకెందుకు ఆలస్యం? రచనల్ని చదివి వివరంగా కామెంట్లు పెట్టడం ప్రారంభించండి.
వినూత్నం, వైవిధ్యం ప్రధాన నిలయాలైన “నెచ్చెలి”లో వస్తున్న వివిధ వినూత్న రచనల్ని తప్పక చూసి, చదివి ఆనందిస్తారు కదూ!
*****
డిసెంబరు, 2025 లో ఎంపికైన ఉత్తమ కామెంటు రాసిన వారు: శ్రీపతి లలిత
ఉత్తమ కామెంటు అందుకున్న పోస్టు: శబ్దాల శాంతి – డా.లక్ష్మీ రాఘవ
ఇరువురికీ అభినందనలు!
****
డా|| కె.గీత పూర్తిపేరు గీతామాధవి. వీరు “నెచ్చెలి” వ్యవస్థాపకులు, సంపాదకులు. తూ.గో.జిల్లా జగ్గంపేటలో జన్మించారు. ప్రముఖ కథా రచయిత్రి శ్రీమతి కె. వరలక్ష్మి వీరి మాతృమూర్తి. భర్త, ముగ్గురు పిల్లలతో కాలిఫోర్నియాలో నివాసముంటున్నారు.
ఆంధ్ర విశ్వవిద్యాలయంలోఇంగ్లీషు, తెలుగు భాషల్లో ఎం.ఏ లు, తెలుగు భాషా శాస్త్రం లో పిహెచ్.డి చేసి, 10 సం. రాల పాటు మెదక్ జిల్లాలో ప్రభుత్వ కళాశాల అధ్యాపకురాలిగా పనిచేసారు. ఆంధ్ర ప్రదేశ్ ప్రభుత్వం నించి 2006 లో “ఉత్తమ ఉపాధ్యాయ అవార్డు ” పొందారు.అమెరికాలో ఇంజనీరింగ్ మేనేజ్ మెంట్ లో ఎం.ఎస్ చేసి, ప్రస్తుతం సాఫ్ట్ వేర్ రంగంలో భాషా నిపుణురాలిగా పనిచేస్తున్నారు.
ద్రవభాష, శీతసుమాలు,శతాబ్దివెన్నెల, సెలయేటి దివిటీ, అసింట కవితాసంపుటులు, సిలికాన్ లోయ సాక్షిగా కథాసంపుటి, వెనుతిరగనివెన్నెల నవల, At The Heart of Silicon Valley -Short stories (2023),Centenary Moonlight and Other Poems(2023), అనగనగా అమెరికా (కాలమ్స్)(2025) ప్రచురితాలు. నెచ్చెలి ప్రచురణ “అపరాజిత” – గత ముప్పయ్యేళ్ల స్త్రీవాద కవిత్వం (1993-2022) పుస్తకానికి సంపాదకులు & ప్రచురణకర్త. ‘యాత్రాగీతం’ ట్రావెలాగ్స్, ‘కంప్యూటర్ భాషగా తెలుగు’ పరిశోధనా వ్యాసాలు కొనసాగుతున్న ధారావాహికలు. అజంతా, దేవులపల్లి, రంజనీ కుందుర్తి, సమతా రచయితల సంఘం అవార్డు, తెన్నేటి హేమలత-వంశీ జాతీయ పురస్కారం, అంపశయ్య నవీన్ పురస్కారం మొ.న పురస్కారాలు పొందారు.
టోరీ రేడియోలో “గీతామాధవీయం” టాక్ షోని నిర్వహిస్తున్నారు. తానా తెలుగుబడి ‘పాఠశాల’కు కరికులం డైరెక్టర్ గా సేవలందజేస్తున్నారు. కాలిఫోర్నియా సాహితీ వేదిక “వీక్షణం”, తెలుగు రచయిత(త్రు)లందరి వివరాలు భద్రపరిచే “తెలుగురచయిత” వెబ్సై ట్ వ్యవస్థాపకులు, నిర్వాహకులు.
డా. లక్ష్మీ రాఘవ గారి కథ శబ్దాల శాంతి కి నేను వ్రాసిన కామెంట్ ని ఉత్తమ కామెంట్ గా సెలెక్ట్ చేసినందుకు నెచ్చెలి సంపాదక వర్గానికి ధన్యవాదాలు.
ఈ జనవరి లోనే సాధారణ ప్రచురణకి ఎంపికైన నా కథ ధర్మేచ,అర్థేచ కథని ప్రచురించి నాకు ప్రోత్సహించినందుకు హృదయపూర్వక ధన్యవాదాలు 🙏🏻