పరంపర
-బండి అనూరాధ
మరలిపోయినా
యధాస్థితిలో తిరిగి నిన్ను నిలిపే
కాలస్ప్రుహ ఏదో వెన్నునంటే ఉంటుందెందుకో.
ఆగి చూసుకుంటే-
విడిచివచ్చినవేం పెద్ద బాధించవు.
అంతర్లీనమై కొంత దుఃఖాన్ని నిక్షిప్తం చేస్తాయ్. అంతే.
కొంచం సమయం చిక్కి
వెనుకకి ప్రయాణమై చూసుకోలనుకుంటే
ఒక్క అద్దముంటుంది లోన. అంతే
ముందుకుపోయే ఉత్సాహమో చింతనో
ఏదయితేనేం ఒక కొనసాగింపుకి
క్షణాల ముస్తాబుని గురించి
వేడుకయిన గొంతుతో-
ఒక పాటలానో
కన్నీటి చరణమంత రాతతోనో
చెప్పుకుపోతుంటావు. అంతే
అపరిపక్వ పగళ్ళలో పగుళ్ళనూ చూసి
పరిపక్వ రాత్రుళ్ళల్లో చీకటినీ చూసాక
వెన్నెలకి చలించలేదని
అమాసకి పున్నమి ఊసుల్ని కథలుగా గుచ్చాక
ఓ నా అసమతుల్య ప్రపంచమా!-
జీవనమనోవికాస సాఫల్యతకై
ఏ సమాజంవెంట నేనిపుడు ప్రయాణించాలీ?
ఎక్కడ! మళ్ళీ ఒకసారి ఆగి
నన్ను నేను కొంత చూసుకోవాలీ?.
*****
Please follow and like us:
పేరు అనూరాధ బండి. స్వస్థలం కృష్ణా జిల్లా గన్నవరం మండలం కేసరపల్లి గ్రామం. ప్రస్తుత నివాసం కృష్ణా జిల్లా తాడిగడప గ్రామం. చదువు ఎమ్మెస్సీ కంప్యూటర్ సైన్స్. కవిత్వమంటే ఇష్టం. కథలంటే ఆసక్తి. రాస్తుంటాను.
Akka mee kavitha chala bagundi. Meeru telugu padhalu vade vidhanam chala nachindi. Mee deggara nunchi ilage inka manchi manchi sahithyam vastunandukuntunna
Thank you Prudhvi
Anthe maa
Thank you Radhika garu
ఎక్కడ మరలా నన్ను నేను చూచుకోవాలీ..?
అభివ్యక్తి బాగుంది.
చక్కటిచిక్కటి రాత
విభిన్న శైలి
Thank you
Thank you Vishnu Madhavi