స్వల్పధరకే నిద్ర (కవిత)
– శ్రీ సాహితి
నిద్రను అమ్మే
సంత ఇంకా తెరచుకోలేదు నీలో
జేబు నిండా తృప్తితో
కొనే స్తోమత ఉంటే
అతి స్వల్ప ధరకే
పెద్ద మొత్తంలో నీకే అమ్ముతుంది.
పడక, పరుపు, మత్తు, మైకం
అక్కరలేని కళ్ళు స్వేచ్ఛగా
నీకు కాస్తా దూరంగా తీసుకెళ్ళి
ఏది గుర్తుకురాలేంత ప్రదేశంలో
వదలివస్తాయి నిన్ను.
ఒక్కడివే సంతోషంగా
మేల్కొని తిరిగిస్తుంటే
మెరిసిపోతూ మురిపిస్తాయి.
*****
Please follow and like us:
మా ఊరు అద్దంకి, ప్రకాశం జిల్లా, (ఆంధ్రప్రదేశ్.) నేను ప్రస్తుతం నాగార్జున యూనివర్సిటీ లో బి.ఫార్మసీ చదువుతున్నాను.నాకు చిన్నప్పటి నుండి తెలుగులో శతక పద్యాలు అంటే ఇష్టం. అలాగే మా నాన్నగారు పరిచయం చేసిన మహాకవి శ్రీ శ్రీ గారి మహాప్రస్థానం నా జీవితంలో ఓ గొప్ప మలుపు. క్రమంగా వచన కవిత్వము పట్ల అభిమానము కలిగి, నాకు తోచిన భావాలను వచనంలో వ్రాయడం అలవాటుగా మారింది.
చాలా బాగుంది మామ్
శీర్షిక కూడా బాగుంది