అనుసృజన
మీనాకుమారి హిందీ కవిత-3
అనువాదం: ఆర్.శాంతసుందరి
అలనాటి మేటి హిందీ నటి మీనా కుమారి అసలు పేరు మాహ్ జబీన్. ఆమె కవయిత్రి అన్న విషయం మీకు తెలుసా? ఆమె మరణించాక గుల్జార్ ఆమె కవితలని సీడీగా రికార్డు చేశారు, మీనా కుమారి తన కవితలను స్వయంగా చదివి రికార్డ్ చేసిన వీడియోలు కొన్ని దొరికాయి. మూల (హిందీ) కవితలను తెలుగులో రాసాను, పాడుకోవడానికి వీలుగా ఉంటుంది. తెలుగు అనువాదం ఆమె కవితల్లోని భావాన్ని అర్థం చేసుకోవడానికి పనికొస్తుంది.
3.
చాంద్ తనహా హై ఆసమాన్ తనహాదిల్ మిలా హై కహా( కహా( తనహా చంద్రుడు ఒంటరే ఆకాశమూ ఒంటరేఎక్కడైనా మనసులు కలిసినా నా మనసు మాత్రం ఒంటరే! బుఝ్ గయీ ఆస్ ఛుప్ గయా తారాథర్ థరాతా రహా ధుఆ( తనహా ఆశ నిరాశే అయ్యింది నక్షత్రం కనుమరుగయిందిపొగ మాత్రం ఒంటరిగా కంపిస్తూ ఉండి పోయింది ! జిందగీ క్యా ఇసీకో కహతే హై(జిస్మ్ తనహా హై ఔర్ జాన్ తనహా దీన్నేనా జీవితమంటారు?శరీరం ఒంటరే ఆత్మా ఒంటరే ! హమ్ సఫర్ కోయీ గర్ మిలే భీ కహీ(దోనో చలతే రహే తనహా తనహా జీవితంలో సహయాత్రీకుడు ఎవరైనా దొరికినాఇద్దరం ఎవరికి వాళ్ళం నడిచాం ఒంటరిగానే! జలతీ బుఝతీ సీ రోశనీ కే పరేసిమటా సిమటా సా ఎక్ మకాన్ తనహా మినుకు మినుకు మంటున్న వెల్తురు కావలఒదిగిపోయున్నట్టున్న ఒక ఇల్లు ఒంటరిగా! రాహ్ దేఖా కరేగా సదియోం తక్ఛోడ్ జాయేంగే యే జహాన్ తనహా ఎదురుచూస్తూనే ఉంటుంది కొన్ని శతాబ్దాల వరకుఈ లోకాన్ని నేను విడిచి వెళ్ళిపోతాను ఒంటరిగానే!
*****
ఆర్.శాంతసుందరి నాలుగు దశాబ్దాలకి పైగా అనువాద రంగంలో కృషి చేసారు. కథ,కవిత,నవల,నాటకం, వ్యాసాలు , ఆత్మకథలు , వ్యక్తిత్వ వికాసానికి సంబంధించిన అన్ని ప్రక్రియల్లోనూ అనువాదాలు చేసి 76 పుస్తకాలు ప్రచురించారు . ప్రఖ్యాత రచయిత ,కొడవటిగంటి కుటుంబరావు వీరి తండ్రి. ఆయన రాసిన నవల,’ చదువు’ని శాంతసుందరి హిందీలోకి అనువదించారు.కేంద్ర సాహిత్య అకాడెమీ దాన్ని ప్రచురించింది. వీరి భర్త గణేశ్వరరావు ప్రముఖ కథారచయిత. ఈమె చేసిన అనువాదాలలో, ‘మహాశ్వేతాదేవి ఉత్తమ కథలు’, ‘ అసురుడు’ , డేల్ కార్నెగీ రాసిన రెండు పుస్తకాలూ , బేబీ హాల్దార్ జీవితచరిత్ర వంటివి ముఖ్యమైనవి. ఇవికాక ఎన్నో కవితా సంపుటాలనూ, సంకలనాలనీ, కథా సంకలనాలనీ హిందీ-తెలుగు భాషల్లో పరస్పరం అనువదించారు. ఈమెకి తమిళం కూడా బాగా వచ్చు. వైరముత్తు కవితలని తెలుగులోకి అనువదించి తెలుగు పత్రికల్లో ప్రచురించారు.సాహిత్య కుటుంబంలో జన్మించిన శాంతసుందరికి సంగీతంలో కూడా ప్రవేశం ఉంది. అనేక దేశాలు పర్యటించారు. రెండు తెలుగు సినిమాల స్క్రిప్టుని హిందీలోకి అనువదించారు.
‘ప్రేమ్ చంద్ బాలసాహిత్యం -13 కథలు ‘ అనువాదానికి పొట్టిశ్రీరాములు తెలుగు విశ్వవిద్యాలయం వారి ఉత్తమ అనువాద పురస్కారం లభించింది. ‘ ఇంట్లో ప్రేమ్ చంద్ ‘ తెలుగు అనువాదానికి 2014 కేంద్ర సాహిత్య అకాడెమీ అవార్డు లభించింది. శాంతసుందరి నవంబరు 11, 2020 లో తమ 73వ యేట కన్నుమూసారు.