అనుసృజన
మీనాకుమారి హిందీ కవిత-5
అనువాదం: ఆర్.శాంతసుందరి
అలనాటి మేటి హిందీ నటి మీనా కుమారి అసలు పేరు మాహ్ జబీన్. ఆమె కవయిత్రి అన్న విషయం మీకు తెలుసా? ఆమె మరణించాక గుల్జార్ ఆమె కవితలని సీడీగా రికార్డు చేశారు, మీనా కుమారి తన కవితలను స్వయంగా చదివి రికార్డ్ చేసిన వీడియోలు కొన్ని దొరికాయి. మూల (హిందీ) కవితలను తెలుగులో రాసాను, పాడుకోవడానికి వీలుగా ఉంటుంది. తెలుగు అనువాదం ఆమె కవితల్లోని భావాన్ని అర్థం చేసుకోవడానికి పనికొస్తుంది.
5.
ఆగాజ్ తో హోతా హై అంజామ్ నహీ( హోతాజబ్ మేరీ కహానీ మే వో నామ్ నహీ( హోతాజబ్ జుల్ఫ్ కీ కాలిఖ్ మే ఘుల్ జాయే కోయీ రాహీబద్ నామ్ సహీ లేకిన్ గుమ్ నామ్ నహీ( హోతాహ(స్ హ(స్ కే జవాన్ దిల్ కే హమ్ క్యోం న చునే టుకడేహర్ శఖ్స్ కీ కిసమత్ మే ఈనామ్ నహీ( హోతాబహతే హుయే ఆంసూ నే ఆంఖోం సే కహా థమ్ కర్జో మయ్ సే పిఘల్ జాయే వో జామ్ నహీ( హోతాదిన్ డూబే హై( యా డూబీ బారాత్ లియే కశ్తీసాహిల్ పే మగర్ కోయీ కోహరామ్ నహీ( హోతా నా జీవితంలో ఆ పేరు లేకపోతేప్రారంభం ఉంటుంది కాని దానికి ముగింపు ఉండదుఒక బాటసారి నల్లని కురులలో కరిగిపోతేఅపకీర్తి పాలౌతాడేమో కానీ కనపడకుండా పోడుబద్దలైన హృదయం ముక్కలని నేను నవ్వుతూ ఎందుకు ఏరుకో కూడదుప్రతి వ్యక్తికీ బహుమతులే అందుకునే అదృష్టం ఉండదు కదాప్రవహించే కన్నీళ్ళు ఆగి కళ్ళతో ఇలా అన్నాయిమధువులో కరిగిపోయేది మధుపాత్ర కాదుపొద్దువాలిందో లేక పెళ్ళివారి నావ మునిగిపోయిందో కానితీరం వద్ద ఎటువంటి గగ్గోలూ , గలభా లేదు
*****
ఆర్.శాంతసుందరి నాలుగు దశాబ్దాలకి పైగా అనువాద రంగంలో కృషి చేసారు. కథ,కవిత,నవల,నాటకం, వ్యాసాలు , ఆత్మకథలు , వ్యక్తిత్వ వికాసానికి సంబంధించిన అన్ని ప్రక్రియల్లోనూ అనువాదాలు చేసి 76 పుస్తకాలు ప్రచురించారు . ప్రఖ్యాత రచయిత ,కొడవటిగంటి కుటుంబరావు వీరి తండ్రి. ఆయన రాసిన నవల,’ చదువు’ని శాంతసుందరి హిందీలోకి అనువదించారు.కేంద్ర సాహిత్య అకాడెమీ దాన్ని ప్రచురించింది. వీరి భర్త గణేశ్వరరావు ప్రముఖ కథారచయిత. ఈమె చేసిన అనువాదాలలో, ‘మహాశ్వేతాదేవి ఉత్తమ కథలు’, ‘ అసురుడు’ , డేల్ కార్నెగీ రాసిన రెండు పుస్తకాలూ , బేబీ హాల్దార్ జీవితచరిత్ర వంటివి ముఖ్యమైనవి. ఇవికాక ఎన్నో కవితా సంపుటాలనూ, సంకలనాలనీ, కథా సంకలనాలనీ హిందీ-తెలుగు భాషల్లో పరస్పరం అనువదించారు. ఈమెకి తమిళం కూడా బాగా వచ్చు. వైరముత్తు కవితలని తెలుగులోకి అనువదించి తెలుగు పత్రికల్లో ప్రచురించారు.సాహిత్య కుటుంబంలో జన్మించిన శాంతసుందరికి సంగీతంలో కూడా ప్రవేశం ఉంది. అనేక దేశాలు పర్యటించారు. రెండు తెలుగు సినిమాల స్క్రిప్టుని హిందీలోకి అనువదించారు.
‘ప్రేమ్ చంద్ బాలసాహిత్యం -13 కథలు ‘ అనువాదానికి పొట్టిశ్రీరాములు తెలుగు విశ్వవిద్యాలయం వారి ఉత్తమ అనువాద పురస్కారం లభించింది. ‘ ఇంట్లో ప్రేమ్ చంద్ ‘ తెలుగు అనువాదానికి 2014 కేంద్ర సాహిత్య అకాడెమీ అవార్డు లభించింది. శాంతసుందరి నవంబరు 11, 2020 లో తమ 73వ యేట కన్నుమూసారు.