ఒక్కసారి జవాబుగా మారి ఎదుటకురా…. (కవిత)

రోజులో
ఏదో ఓ సమయంలో
మాటల షార్టు షర్క్యూట్
చీకటిలో ఉండిపోతం
మౌనం ఇద్దరినీ నంజుకు తింటుంది.
. ………..
కాసేపు ఆగక
తగాదా అని నీవు
కాదని నేను
………..
నేను అడిగిందే కావాలని
ఇష్టం యుద్ధం చేస్తుంది నీతో
స్పందన లేకుండా గంట మాట్లాడతావు
చప్పుడు లేకుండా
…………
నీకేమి కావాలో చెప్పవు
నీకేది ఇవ్వాలో తెలియదు.
దేనికి చప్పుడు చేయకుండా
ఏది అర్దం కాదు…..అర్దముండదు
…….
కానీ ఏదో ఓ క్షణంలో
ఇద్దరం కలిసినప్పుడు
దూరంగా మన మాటలు, చూపులు
వెక్కిరిస్తుంటే
నా భుజంపై వాలి బాధపడతావు
……
నేనేం చేయాలి?
మనమేమి కావాలి?
ఒక్కసారి జవాబుగా మారి ఎదుటకురా….
జీవితం ఎప్పటికీ
మనల్ని ఓడించలేదు…