కొండ మేక-గద్ద

కొండ మేక-గద్ద

-కందేపి రాణి ప్రసాద్

అదొక పర్వత ప్రాంతం. చుట్టూ ఎటు చూసినా ఎత్తుగా కొండలే కనిపిస్తున్నాయి. ఈ కొండలు నున్నగా ననుపుదేలి ఉన్నాయి. ఈ పర్వతాలపై ఎక్కడా గడ్డి కూడా మొలవదు. అన్నీ బండరాళ్ళే. వందల అడుగుల ఎత్తు పెరిగాయి. సాధారణంగా కొండలు ఏటవాలుగా ఎక్కేందుకు వీలుగా ఉంటాయి. కానీ ఈ కొండలు అలా కాదు. స్కేలులో గీత కొట్టినట్లుగా నిలువుగా వంగకుండా పెరిగాయి. కొండల మీద అక్కడక్కడా బెత్తెడు వెడల్పుతో చెక్కినట్లుగా ఉన్నాయి.

కొండల మీద అక్కడక్కడా మంచు పేరుకున్నట్లు అనిపిస్తుంది కానీ అది మంచు కాదు. ఆ కొండల మీద అరచేయి వెడల్పుతో ఉప్పు పేరుకుంటుంది. అందుకని కొండల మధ్యలో చిరు మొలకల బదులు ఉప్పు మరకలు తెల్లగా కనిపిస్తాయి. కొండల పైభాగాన మాత్రమే మంచు నిలబడుతుంది. అన్ని పర్వతాలు మంచు టోపీలు పెట్టుకుంటాయి. చెట్టు చేమలు కాదు కదా చిరు మొలకలు, పిలకలు కూడా కన్పించని అరుదైన కొండలివి.

చెట్టూ చేమ లేని ఈ కొండల మధ్య జంతు జాతి ఉంటుందని అనుకుంటామా! కానీ మనం ఆశ్చర్య పోయేలాగా అక్కడ కొండ మేకలు, కొండ గొర్రెలు నివసిస్తుంటాయి. ఇవి ఆహారం ఎలా తింటాయో ఏమి తింటాయో అర్థం కాదనిపిస్తుంది. కానీ అక్కడి వారు చెప్పిన విషయం ఏమిటంటే ఆ కొండ మేకలు పర్వతాల కంటుకున్న ఉప్పును తింటాయి అని. సరే ఈ కొండ మేకల కథ చూద్దాం.

కొండ మేకలు తమ కుటుంబాలలో పర్వతాలలో నివసిస్తాయి. ఒక కొండ మేక తన పిల్లతో సహా కాపురం ఉంటోంది. ఈ కొండ మేకలు నిట్టనిలువుగా పైకి ఎక్కగలుగుతాయి. కొండలలో నివసించే వాటికి ఈ లక్షణం ఉండటం ఉపయోగం అంతే కాకుండా ఒక కొండ మీద నుంచి మరొక కొండ మీదకు దూకగలుగుతాయి. ఇక్కడ పులులు కూడా ఉంటాయి. అవి కూడా కొండల మీద నుంచి కొండల మీదకు దూకుతాయి.

ఒక రోజు కొండమేక కొండకోన నుంచి మరొక కొండ మీదకు దూక బోయింది. దాని వెనకే నిలబడ్డ దాని పిల్ల దూకదానికి భయపడి వెనక్కు వెళ్ళింది. అది చూసిన కొండమేక తన వీపు మీద ఎక్కమని పిల్లతో చెప్పింది. పిల్ల తల్లి వీపుమీద ఎక్కింది. కొండ మీద నుంచి కొండకు దూకటానికి దురం అంచనా వేస్తున్నది.

కొండ మేక తన పిల్లతో సహా రెండో కొండు మీదకు దూకింది. ఆ దూకడంలో బండరాయి దొర్లి కిందకు జారింది. కొండమేక దాని పిల్ల చెరో వైపుకు పడ్డాయి. ఆ సమయంలో పిల్ల పడిపోయింది. తల్లి మాత్రం కొండ మీదకు చేరింది. పిల్ల భయంతో పెద్దగా అరిచింది.

కొండ మేకకు ఏం చేయాలో అర్ధం కాలేదు. అది కూడా కాపాడమని అరిచింది. అప్పుడే ఆకాశంలో గద్ద ఎగురుతూ పోతున్నది. సాధారణంగా ఈ కొండ ప్రాంతాలలో మేకలకు గద్దలు శత్రువులు. కానీ ఈ గద్ద కరుణ కలిగినటువంటిది పిల్ల లొయలోకి పడుతూ ఉండటాన్ని గద్ద చూసింది. వెంటనే గద్ద ఎగురుకుంటూ వెళ్ళి పిల్ల మేకను పట్టున్నది. కాళ్ళ మధ్య ఇరికించుకుని తెచ్చిన గద్ద ఆ మేకను తల్లి దగ్గరకు చేర్చింది. తల్లి మేక చాలా సంతోష పడింది. గద్ధకు కృతజ్ఞతలు చెప్పింది.

నా పిల్లను కాపాడినందుకు నీకు వేల వేల కృతజ్ఞతలు. మాకు శతృవులైనప్పటికీ కాపాడావు మిత్రమా. నీ మేలు ఈ జన్మలో మరిచిపోను నేస్తమా అని కళ్ళనీళ్ళు కారుతుండగా కొండ మేక రెండు చేతులతో నమస్కరిస్తూ చెప్పింది.

దానికి గద్ద సమాధానంగా మిత్రమా! “మనం శత్రు జాతులం కావచ్చు. కానీ ఆకలి లేక పోయినా దాడి చేసే మనుష్యులం కాదు కదా! ప్రమాదకరమైన పర్వతాలు లోయల మధ్య మనం నిత్యం సంచరిస్తుంటాం. ఎప్పుడే ఆపద వస్తుందో తెలియదు కాబట్టి సహాయం చేసుకోవటంలో తప్పులేదు. అందుకే మీ పిల్లను కాపాడి తీసుకువచ్చాను” అన్నది.

గద్ద సమాధానం విన్న కొండమేక చాలా సంతోపపడింది. దాని మాటలకు దయా హృదయానికి అబ్బుర పడింది సరే మిత్రమా! మరోసారి ధన్యవాదాలు అంటూ కొండమేక చెప్పి పిల్లను తీసుకుని వెళ్లిపోయింది.

గద్ద కూడా మంచు పర్వతాల మీద నుంచి ఎగిరి వెళ్ళిపోయింది.

కొండమేకలు బెత్తెడు స్థలమున్నా దాని మీద గిట్టలు నిలుపుతూ నడుస్తుంటాయి. అన్నీ వరుసగా కుటుంబాలన్నీ కలసి మెలిసి వెళ్తూ ఉంటాయి. పిల్లలున్న తల్లులు మాత్రం పిల్లల్ని వీపుమీద ఎక్కించుకుని వెళుతూ ఉంటాయి. మామూలు జంతువుల్లో ఈ విషయం ఎక్కడా గమనించం. కేవలం కొండ జీవుల్లో మాత్రమే పిల్లల్ని ఎక్కించుకుని నడవడం, దూకడం గమనిస్తాం. కొండల మీద బారులుగా ఈ కొండమేకలు నడుస్తుంటే చూడ ముచ్చటగా ఉంటుంది.

ఒక రోజు కొండ మేకలు పర్వతాల మీదున్న ఉప్పును నాక్కుంటూ తింటూ నడుస్తున్నాయి. పిల్లలేమో బండరాళ్ళను నెడుతూ అవి కింద లోయలో పడుతుంటే చప్పట్లు కొడుతూ అనందిస్తున్నాయి.

Please follow and like us:

కందేపి రాణి ప్రసాద్

నేను ప్రధానంగా బాలసాహిత్యం రాస్తాను.నేను సుమారుగా 40పుస్తకాలు రచించాను. బాలసాహిత్యం_విజ్ఞానికరచనలు అంశంపై PhD చేశాను.తెలుగు విశ్విద్యాలయం వరి ఉత్తమ రచయిత్రి పురస్కారం అందుకున్న ను.20 ప్రక్రియలలో రచనలు చేశాను.టీచింగ్ aids,memontoes, బొమ్మలు చార్టులు,చేయటం ఇష్టం. మిల్కీ museum nu నిర్వహిస్తున్నాం.sweety children library nI pillala kosam pettanu.