“నెచ్చెలి”మాట
వనితా విజయం
-డా|| కె.గీత
నెచ్చెలులందరికీ మహిళా దినోత్సవ శుభాకాంక్షలు!
జయము
జయము
వనితలందరకు
దిగ్విజయము
జయము
భ్రూణహత్యల నుండి
పునర్జనించినాము
అత్యాచారముల నుండి
తలెత్తుకు లేచినాము
జయము
జయము
వనితలందరకు
దిగ్విజయము
జయము
ఆడపిల్లవని
అపహాస్యాలెన్నో
పనికిరావని
హేళనలెన్నో
అన్నిటినీ
మెట్లు చేసి
అపహాస్యపు
మెడలు విరిచి
రోదసీకి
ఎగసినాము
జయము
జయము
వనితలందరకు
దిగ్విజయము
జయము
కుటుంబమే
మూలమని
నిట్రాటగా
నిలబడినాము
గుర్తింపు లేని
సహాయాలు
చేసి చేసి
అనారోగ్యమైనాము
మనకోసం కాక
ఎపుడూ
పరుల కొరకు
బతికినాము
చివరికి
మనకోసం
ఎవరున్నారని
వెతలుపోయి
ఏడ్చినాము
జయము
జయము
వనితలందరకు
దిగ్విజయము
జయము
ఉద్యోగాలు
ఆఫీసులు
బిజినెస్సులు ……..
బిజీ బిజీ
బతుకంతా
కష్టపడినా
భవితంతా
గజిబిజి
జయము
జయము
వనితలందరకు
దిగ్విజయము
జయము
ఒకరిచ్చే స్వేచ్ఛ
అవసరం లేదు
వెతికి చూస్తే
స్వాతంత్య్రం
లేకపోలేదు
జయము
జయము
వనితలందరకు
దిగ్విజయము
జయము
వనితలకు
వనితలే
సాటిగా
మనకోసం
మనం
నిలబడదాం
ఏ ప్రపంచానికైనా
ఎదురు తిరిగి
నిలబడదాం
జయము
జయము
వనితలందరకు
దిగ్విజయము
జయము
దిగ్విజయము
జయము
****
నెచ్చెలి పాఠకులందరికీ సదవకాశం:
ప్రతినెలా నెచ్చెలి పత్రికలో వచ్చే రచనలు / “నెచ్చెలి” యూట్యూబ్ ఛానెల్లో వచ్చిన ఆర్టికల్స్ వేటిపైనైనా వచ్చిన కామెంట్ల నించి ప్రతి నెలా ఒక ఉత్తమ విశ్లేషణా త్మక కామెంటుని ఎంపిక చేసి ప్రకటిస్తాం. పాత రచనల మీద కూడా కామెంట్లు చెయ్యవచ్చు.
మరింకెందుకు ఆలస్యం? రచనల్ని చదివి వివరంగా కామెంట్లు పెట్టడం ప్రారంభించండి.
వినూత్నం, వైవిధ్యం ప్రధాన నిలయాలైన “నెచ్చెలి”లో వస్తున్న వివిధ వినూత్న రచనల్ని తప్పక చూసి, చదివి ఆనందిస్తారు కదూ!
*****
ఫిబ్రవరి, 2026 లో ఎంపికైన ఉత్తమ కామెంటు రాసిన వారు: డా.సి. ఎస్.జి. కృష్ణమాచార్యులు
ఉత్తమ కామెంటు అందుకున్న పోస్టు: వాత్సల్యం (కథ) – సీతాసుస్మిత
ఇరువురికీ అభినందనలు!
****
డా|| కె.గీత పూర్తిపేరు గీతామాధవి. వీరు “నెచ్చెలి” వ్యవస్థాపకులు, సంపాదకులు. తూ.గో.జిల్లా జగ్గంపేటలో జన్మించారు. ప్రముఖ కథా రచయిత్రి శ్రీమతి కె. వరలక్ష్మి వీరి మాతృమూర్తి. భర్త, ముగ్గురు పిల్లలతో కాలిఫోర్నియాలో నివాసముంటున్నారు.
ఆంధ్ర విశ్వవిద్యాలయంలోఇంగ్లీషు, తెలుగు భాషల్లో ఎం.ఏ లు, తెలుగు భాషా శాస్త్రం లో పిహెచ్.డి చేసి, 10 సం. రాల పాటు మెదక్ జిల్లాలో ప్రభుత్వ కళాశాల అధ్యాపకురాలిగా పనిచేసారు. ఆంధ్ర ప్రదేశ్ ప్రభుత్వం నించి 2006 లో “ఉత్తమ ఉపాధ్యాయ అవార్డు ” పొందారు.అమెరికాలో ఇంజనీరింగ్ మేనేజ్ మెంట్ లో ఎం.ఎస్ చేసి, ప్రస్తుతం సాఫ్ట్ వేర్ రంగంలో భాషా నిపుణురాలిగా పనిచేస్తున్నారు.
ద్రవభాష, శీతసుమాలు,శతాబ్దివెన్నెల, సెలయేటి దివిటీ, అసింట కవితాసంపుటులు, సిలికాన్ లోయ సాక్షిగా కథాసంపుటి, వెనుతిరగనివెన్నెల నవల, At The Heart of Silicon Valley -Short stories (2023),Centenary Moonlight and Other Poems(2023), అనగనగా అమెరికా (కాలమ్స్)(2025) ప్రచురితాలు. నెచ్చెలి ప్రచురణ “అపరాజిత” – గత ముప్పయ్యేళ్ల స్త్రీవాద కవిత్వం (1993-2022) పుస్తకానికి సంపాదకులు & ప్రచురణకర్త. ‘యాత్రాగీతం’ ట్రావెలాగ్స్, ‘కంప్యూటర్ భాషగా తెలుగు’ పరిశోధనా వ్యాసాలు కొనసాగుతున్న ధారావాహికలు. అజంతా, దేవులపల్లి, రంజనీ కుందుర్తి, సమతా రచయితల సంఘం అవార్డు, తెన్నేటి హేమలత-వంశీ జాతీయ పురస్కారం, అంపశయ్య నవీన్ పురస్కారం మొ.న పురస్కారాలు పొందారు.
టోరీ రేడియోలో “గీతామాధవీయం” టాక్ షోని నిర్వహిస్తున్నారు. తానా తెలుగుబడి ‘పాఠశాల’కు కరికులం డైరెక్టర్ గా సేవలందజేస్తున్నారు. కాలిఫోర్నియా సాహితీ వేదిక “వీక్షణం”, తెలుగు రచయిత(త్రు)లందరి వివరాలు భద్రపరిచే “తెలుగురచయిత” వెబ్సై ట్ వ్యవస్థాపకులు, నిర్వాహకులు.