ఈర్షే ఓ పరీక్ష (కవిత)

ఈర్షే ఓ పరీక్ష

-చందలూరి నారాయణరావు

కాలానికి సైతం
నచ్చని నిజమొకటి ఉంది నాలో.
దాని ఈర్షే ఓ పరీక్ష.

కొలిచినా చిన్న చూపే.
కలసిరాని పగ దానిది.
రుచిని వేధిస్తు ఆకలిని నిషేధిస్తుంది.

ఆశకు విలువ లేకుండా చేసి
మంచిని నటిస్తు దేన్నీ రానివ్వదు.
బలగాలతో బలం చూపుతుంది

రేపు ఏదో ఓ రోజు
తను పల్లకీగా మారుతానని తెలిసే
ఈ లోపల ఇదంతా ఆ ఆటలా ఓ నాటకం.

కష్టం, సహనం, నమ్మకం, దైర్యం
ఎవరి ముఖంలో చూసినా
లొంగుబాటు ధోరణి దాని నైజం.

ఎదురుతిరిగి తిరిగిదాడి చేస్తేనే
కాలం తనతో సమానంగా
నిన్ను నీ పేరుతో గౌరవించేది.

*****