కలతల నిద్ర

కలతల నిద్ర

-ఇందు చంద్రన్

కరగని రాత్రులు కలవరపెట్టే ఆలోచనలు
ఒక్కోసారి చీకటి అలసి వెలుగొచ్చేస్తుంది.
ఎన్నో కలలు రెప్పల బయటే ఎదురు చూస్తుంటాయి.
ఇప్పుడంతా కలతల నిద్రే!

శిఖరాలని తాకాలన్న ఆశలు ఓ వైపు,
ఈదలేని సముద్ర లోతుల్ని గుర్తు చేసబాధలు మరోవైపు,
రెండింటి మధ్య అప్పుడపుడూ గడ్డకట్టుకుని పోతూ ఉంటాను.
మళ్లీ వాస్తవాన్ని తల్చుకుని కరిగిపోతూ ఉంటాను.

ఆ నిద్రని లాక్కోడానికి ప్రయత్నిస్తుంటాను.
చుట్టూ ఉన్న ప్రత్యామ్నాయాలతో,
ఎంతటి స్వార్థం !
రోజూ జరిగే ఈ యుద్దంలో గెలుస్తాను.

*****