Category: కవితలు

ఎరుక -లక్ష్మీ కందిమళ్ళ ఎప్పటికప్పుడు ఎరుక కలిగించే సత్యం అదినిశ్చల తటాకంపై నిలిచిన ప్రశాంతతపక్షిలా విహరిస్తున్న వాక్యం సరికొత్త రాగంలో ఉదయాన్ని గుప్పిట పడుతూ ఋతువుల ఆగమనం  ఆశగా చిగురిస్తూ తుమ్మెదలాగా రెక్కలు ఆడిస్తూ బోసినవ్వుల అమాయకత్వంతో మళ్ళీ మళ్ళీ స్వచ్ఛంగా సహజంగా మత్తుగా కలల రంగులను అద్దుకొనిపూల రేకులను ముద్దాడుతూ శాంతి, సాంత్వనవెలుగు వచనాలుగా.. ***** కందిమళ్ళ లక్ష్మికర్నూలు గృహిణి సాహిత్యాభిలాష (చదవడం,రాయడం) ప్రవృత్తి: కవిత్వం రాయడం

అమ్మ బహుమతి! -డా|| కె. గీత నిన్నా మొన్నటి శిశుత్వంలోంచి నవ యౌవ్వనవతివై నడిచొచ్చిన నా చిట్టితల్లీ! నీ కోసం నిరంతరం తపించే నా హృదయాక్షరాలే అక్షతలుగా నిన్ను ఆశీర్వదిస్తున్నా నీకు పద్ధెనిమిదో పుట్టినరోజు శుభాకాంక్షలు! నీ చిన్నప్పుడు మొదటి టీకా రాత్రి నువ్వు కింకపెడుతూ ఏడుస్తున్నపుడు తడిసిన నా భుజాన కన్నీళ్లు నావే వచ్చీరాని నడకల్తో నాకోసం గేటు దగ్గిర కాపలా కాసి వీథి చివరకి పరుగెత్తుకొచ్చి పడ్డప్పుడు నీ మోకాలి మీద చివికిన రక్తం నాదే నీ ముద్దు ముద్దు మాటలు ఇంకా తాజాగా నా గుండెల్లో రోజూ పూస్తూనే ఉన్నాయి నీ బుల్లి అరచేత పండిన గోరింట నా మస్తకంలో అందంగా అప్పటి నుంచీ అలా వేళ్లాడుతూనే ఉంది క్రమశిక్షణా పర్వంలో నేను నిన్ను దార్లో పెట్టడం పోయి నువ్వు నన్ను దూరం పెట్టినపుడల్లా మథనపడ్డ క్షణాలు గుండె చాటునెక్కడో చురుక్కున పొడిచినా అంతలోనే గువ్వ పిట్టవై నా భుజాన నువ్వు గారాల కువకువలాడినప్పుడల్లా మొలిచిన మందహాసం ఇప్పటికీ నా పెదాలనంటుకునే ఉంది నువ్వంటే ఉన్న ఇష్టానికి చాలని మాటల చాటున కన్నీళ్లు కేంద్రీకృతమైన అమ్మ మనసు ఉంది ఆడపిల్లంటే నేనే కదూ! నువ్వు నాలోంచి మొలిచిన ధృవ తారవు కదూ! ప్రపంచంలోకి ఉరకలేస్తూ అడుగుపెట్టే పద్ధెనిమిదో ఏట నిన్ను చూస్తే కలల్ని అలలుగా ధరించి ఆకాశంలోకి రెక్కలొచ్చిన పిట్టలా ఎగిరిన జ్ఞాపకం వస్తూంది దారంటా గుచ్చుకున్న ముళ్లతోనే విరిగిపడ్డ రెక్కల్ని కుట్టుకున్న ధైర్యమూ జ్ఞాపకం వస్తూంది జాగరూకురాలివై ఉండు తల్లీ! చీకట్ల కోరలు పటపటలాడించే […]

పాదుకా పట్టాభిషేకం -పద్మ సత్తిరాజు పేరుకే మనం ఆకాశంలో సగం మనకంటూ ఒక అస్తిత్వానికి మాత్రం తగం మనువు మన జీవిత పరమార్థాన్ని శాసిస్తాడు మనువు మన జీవిత గమనాన్నీ గమ్యాన్నీ మార్చేస్తుంది పని పంచుకోమని అడిగితే మండిపడుతుంది సంఘం ఎందుకంటే మరి కార్యేషు దాసి నియమానికి భంగం కరణేషు మంత్రి పదవి ఇచ్చారని పొంగిపోకేం ఫలితం తేడా వస్తే నింద మనకే ఇక భోజ్యేషు మాతకు జరగగల అతి పెద్ద మేలు వంకలు పెట్టకుండా ఉంటే […]

ఏకాంతం..!! -శివ మంచాల ఏకాంతం కావాలని సరైన సమయం కోసం అనువైన స్థలం కోసం వెతుకుతున్నాను! అక్కడొక బాల్యం కనపడింది..ఆడుకుంటూ పాడుకుంటూ తిరుగుతుంది ఎర్రని ఎండలో చెట్టునీడ దొరికినంత సంబరపడ్డానుపట్టుకోబోయాను దొరకలేదు..దాని వెనక పరుగెత్తి పట్టుకోబోయానునాకంటే వేగంగా పరుగెత్తుతుంది అదిఅప్పుడర్ధమయ్యింది..దానంతట అది పరుగెత్తట్లేదనిబాల్యానికి ఇష్టం ఉన్నా లేకపోయినా తల్లి తండ్రుల ఇష్టానికే దాన్ని బలవంతంగా లాగుతుంటారని! అమ్మ నాన్నల లాలనలలోఆటా పాటలతో బాల్యం సాగిందనేగానిమనం కోరుకున్న ఏకాంతం ఎక్కడుందని..?ఎవరిష్టానికి వారు పిల్లల్ని పెంచాలనుకుంటారుగానిబాల్యం ఇష్టా ఇష్టాలు ఎవరు గమనించారని..?పిల్లల ఇష్టా ఇష్టాలను గమనించలేనప్పుడు..గొడ్డుబోతుల్లా మిగిలిపోక.. బిడ్డల్ని కనటం […]

సైరంధ్రి (దీర్ఘ కవిత) గుజరాతీ మూలం , హిందీ అనువాదం : డా. వినోద్ కుమార్ జోషి తెలుగు సేత: డా. సి. భవానీదేవి ఒకటవ సర్గ : వివశసంధ్యలో నిరాలంబ గగనం నిస్పంద నిగూఢ సమీరం అధోముఖమై నిలిచిన యువతి వ్యగ్రమానస సంకలిత! తనపేరునే తలచుకుంటూ నిట్టూరుస్తున్నది సైరంధ్రి హస్తినాపుర సామ్రాజ్ఞికి ఎన్నడెరుగని  అవమానం! విరాటనగరం, విరాటరాజు అజ్ఞాత అనూహ్య దేశం అసలు దాచిన రహస్యరూపం ఆబద్ధ అసత్యవేషం ! అడుగులు సాగటంలేదు చకోరనేత్రాలు  సుంతయినా  […]

ఎవరతను? -అరుణ గోగులమంద తెలిసిన ముఖంలానే ఉన్నాఅతెనెవరో ఎంతకీ గుర్తురాదు.కాలేజీ గేటుబయట గోడకు బండిపెట్టుకుని కళ్ళలో ఎదురుచూపులు పాతుకొని ..నాకోసం వెతికిన..ఆనాటి అతనేనా.”ఈ ఏడాది ఎలా ఐనా మనపెళ్ళైపోవాలినిన్ను పోగొట్టుకోలేను ప్రమీలా”అని నా చేతుల్లో మొహం దాచుకుని ఏడ్చిన.. అతనేనా? యూరిన్ టెస్ట్లో పాజిటివ్ రిజల్ట్.పెళ్ళై రెండునెలలు.పీజీ మొదటిఏడాది..చదువు పూర్తికాని అగమ్య గోచర స్థితినిస్సహాయత మోస్తున్న పాదాలు.మాట్లాడ్డానికేం లేదు..మెల్లగా బండెక్కి..అతని వెనకే కూర్చున్నాడ్రైవ్ చేస్తున్న అతనెవరో గుర్తురాదు.కనీసం.. పరిచయమున్న జ్ఞాపకమైనా..రాదు. గదిలోంచి రానీయడు అతనుగది బయట తోడేల్లా ఆమెసిగ్గులేని జన్మ,ఎంతసేపూ గదిలోనే “వాడికేం మగాడు,దీనికుండక్కర్లా..చీ..!”పొరుగింటామెతో […]

 ఒకరు లేని ఇంకొకరు -భమిడిపాటి స్వరాజ్య నాగరాజా రావు అమ్మ లేని నాన్న….. వెలిగించని దీపంలా రాశిపోసిన  పాపంలా వెలుగే లేని లోకంలా మూర్తీ భవించిన శోకంలా శబ్దం లేని మాటలా పల్లవిలేని పాటలా పువ్వులులేని తోటలా నవ్వులులేని నోటిలా శిధలమైన కోటలా గమనం తెలియని గమ్యంలా పగలులేని రాత్రిలా ఉంటారు. నాన్న లేని అమ్మ …… వత్తిలేని ప్రమిదలా ప్రమోదం లేని ప్రమదలా కళ తప్పిన కళ్ళలా మమతలు ఉడిగిన మనసులా ఒరలేని కత్తిలా పిడిలేని […]

ఆమె కవితలు -పాలపర్తి ఇంద్రాణి   ఆమె ఉల్లాసాన్నిఉడుపులుగాధరించి వచ్చిందివారు ఆమెనుబాధించలేక పోయారు ఆమె వైరాగ్యాన్నిచేత పట్టుకు వచ్చిందివారు ఆమెనుబంధించలేక పోయారు. ఆమె వినయాన్నివెంట పెట్టుకు వచ్చిందివారు ఆమెనువేధించలేక పోయారు. ఆమె జీవితాన్నితపస్సుగా మార్చుకుందివారు మూతులుతిప్పుతూతొలగిపోయారు. 2.  నేను వివేకము విచక్షణ ఉన్న ఈశ్వర సృష్టితప్రాణినిఅని ప్రకటించావునువ్వు అది వినిటింకర వంకరనాగుపాములునంగిరి నంగిరివానపాములుహిహ్హిహీఅని నవ్వి హింగిరి హింగిరిగానీ వెంట పడ్డాయిఅప్పుడు నువ్వువంటిట్లో దూరిచెంచాల వెనుకమిల్లి గరిటెల వెనుకదాక్కున్నావు నీ అమ్మఅమ్మమ్మవాళ్ళ అమ్మఅందరూ అక్కడేనక్కి ఉండడం చూసిఆశ్చర్య పడ్డావు అంతలో,నువ్వు ఎక్కడదాక్కున్నావోకనిపెట్టేసిననాగు పాములువాన పాములువాళ్ళందరినీపొగిడినట్టేనిన్నూవంటింటి కుందేలుఅని వేనోళ్ళ […]

నిన్నర్థం చేసుకుంటున్నాను -కోడం పవన్ కుమార్ ఇవాల్టిదాకా నీవింకా నన్నర్థం చేసుకోలేదనుకున్నానుఇకనుంచి నేను నిన్నర్థం చేసుకోవడానికి ప్రయత్నిస్తాను వంటగది తాలింపు వాసనలోనీ చెమట సౌందర్యం కానరాలేదుతలలోంచి గుప్పెడు మల్లెలు మత్తెక్కిస్తుంటేనీవొక మాంసపు ముద్డగానే కనిపించావుఇంట్లో ఇంటిచుట్టూ పరుచుకున్నలెక్కలేనన్ని నీ పాదముద్రల్లోశ్రమ సౌందర్యాన్ని గుర్తుపట్టలేకపోయానుఇంట్లోని అన్ని అవసరాలను చూసుకునేమరయంత్రంగానే భావిస్తూమాటల కీ ద్వారా నా అవసరాలను సమకూర్చుకున్నానువిశ్రాంతి కోసమోనిద్ర కోసమోపడకమీద నడుం వాల్చితేనాలోని కోర్కెకు అక్కరకొచ్చేఅపూర్వమైన కానుకగానే భావించానుపురిటినొప్పులతో మెలికలు తిరుగుతుంటేమొలక పూసిన ఆనందభాష్పాలు నీ కంటినుంచి రాలుతుంటేస్త్రీగా నీ బాధ్యత తీరిందని కొట్టిపడేశానునీ ఇష్టాయిష్టాల ప్రమేయం లేకుండాగాల్లో గిరికీలు కొడుతున్న నన్నుఓ వేణునాదాన్ని చేద్దామన్న నీ […]

యుద్ధం ఒక గుండె కోత-9 (దీర్ఘ కవిత) -శీలా సుభద్రా దేవి నాగరికతల మధ్య భాస్వరమై మండుతున్న ఘర్షణ లోయల గుండా లావా ప్రవాహమై దేశాల మధ్య చేరి రాతిగోడగా ఎప్పుడైంది? సంస్కృతిని కాల్చేస్తున్న నిప్పురవ్వ రాజ్యాల్ని రగిల్చే కుంపటిగా ఎప్పుడు మారింది? అభిప్రాయాల్ని చీల్చేస్తున్న కత్తుల బారకేడులు విరిగి పౌరగుండెల్లో ఎప్పుడు గుచ్చుకొన్నాయి? ఉన్నచోటునే గింగరాలు తిరిగే బొంగరంలా అంతర్గతంగా సాగే వర్ణపోరాటం అంతకంతకూ పెరిగి పెరిగి సామాజికాన్ని, జాతీయాన్ని దాటి మూడోపాదాన్ని అంతర్జాతీయం మీద […]

అన్నీ తానై.. -చందలూరి నారాయణరావు సూర్యుడునాకు గుర్తుకు రాడు.నాలో ఉదయించే వెలుగు వేరు.. చంద్రుడునాకు అవసరం అనుకోను.నాలో పూసిన ఓ శశి ఉంది గాలితోనాకు పనే లేదునాకై మొలిచిన నవ్వుల చెట్టుంది. మట్టినిప్రత్యేకంగా తాకేదు లేదు.నాకై నడిచే ముద్రలో సంతోషాలే అన్నీ వానలోతడిసే పనే ఉండదు నాకుజ్ఞాపకాల జల్లుకు కరువేలేదు. నాకు నాతోనే పనిలేదునాలో ఉన్న నీవుకొరత కావు. ***** చందలూరి నారాయణరావుపుట్టినది: ప్రకాశం జిల్లా జె. పంగులూరు. వృత్తి: హైస్కూల్ఉపాధ్యాయులు ప్రవృత్తి: వచన కవిత్వం రచనలు: మనం […]

ఒంటరి బందీ -శ్రీధర రెడ్డి బిల్లా ఊళ్ళో మా ఇంటి ప్రక్క, ఉండేదొక ఒక అక్క! ఒక యేడు పెద్దది ఆ అక్క బడిలో ఒకే క్లాసు నేనూ,అక్క!   ఆటలు,చదువుల్లో తనెప్పుడూ మేటి బడిలో తనకెవరూ లేరు పోటీ! మేము కలిసే ఆటలాడుకునేది, కావాలనే తను ఒక్కోసారి ఓడేది!   ఓ రేగుచెట్టుండె మాఇంటిముందున పండ్లకోసం ఎక్కేటోళ్లం కొమ్మకొమ్మన! పురుగుల్లేని దోరపండొక్కటి దొరికినా, కలిసి తినేటోళ్ళం కాకెంగిలిన!   నేను కొత్తచొక్కా వేసుకున్నా, మురిసిపోయేది నాకన్నా […]

ఎన్ని దుఃఖాలు ఇంకా ముసురుతున్నా -గవిడి శ్రీనివాస్ కాలం కనుబొమల మీద అలల్లా  పరిచయాలు కదులుతుంటాయి . కొన్ని లెక్కలు సరిపడి ముడిపడతాయి కొన్ని నిజాలు జారిపడి వేరుపడతాయి కృత్రిమ పరిమళాల మధ్య బంధాలు నలిగిపోతున్నాయి . కొన్ని ఆర్థిక తూకాల్లో తేలియాడుతుంటాయి . ప్రతి చిరునవ్వు వెనుక ఒక వినియోగపు ప్రణాళిక పరచుకుంటుంది . అంతా పరాయీకరణ లో విలవిలలాడుతున్నాం . ఒంటరి పోరాటం లో అవాంతరాల మధ్య శక్తి గా వెలగటం కార్య దీక్షకు […]

పడవలసిన వేటు -శ్రీనివాస్ బందా తెగిపడిన నాలిక చివరగా ఏమన్నదో పెరకబడిన కనుగుడ్డు ఏ దౌష్ట్యాన్ని చూసి మూసుకుందో లేతమొగ్గ ఎంత రక్తాన్ని రోదించిందో అప్పుడే తెరుచుకుంటున్న గొంతు ఎంత ఘోరంగా బీటలువారిందో చచ్చిందో బతికిందో అనుకునేవాళ్లు పొలంలోకెందుకు విసిరేస్తారు చిదిమేటప్పుడు చలించనివాళ్లు చిన్నపిల్ల అని ఎందుకనుకుంటారు కలెక్టివ్‌గా గంతలు కట్టుకుని దుర్గకీ కాళికీ లక్ష్మికీ ఉత్సవాలు చేస్తాం గదిలో ఏనుగు చుట్టూ గుడ్డోళ్ళం సమస్యకి అనేక రంగులు పూస్తాం నా సుఖప్పిల్లో కింద మూలుగు నొక్కేసుకుని […]