వారణాసి నాగలక్ష్మి పుట్టినది పశ్చిమగోదావరి జిల్లా నర్సాపురంలో. పెరిగినదీ, డిగ్రీ వరకు చదువుకున్నదీ కృష్ణా జిల్లా నూజివీడులో. చదువుకున్నది రసాయనశాస్త్రమైనా ఆమె అభిరుచి సాహిత్యం లోనూ, చిత్రలేఖనంలోనూ. హైదరాబాద్ సెంట్రల్ యూనివర్సిటీ నుంచి కెమిస్ట్రీలో ఎమ్మెస్సీ ఎంఫిల్ కోర్సులలో యూనివర్సిటీకెల్లా ప్రథమురాలిగా ఉత్తీర్ణురాలై, కొంతకాలం ఉద్యోగం చేశారు. వీరి మొదటి పుస్తకం వానచినుకులు వెలువడింది 2003 లో. దానికి 2004లో పొట్టి శ్రీరాములు తెలుగు విశ్వవిద్యాలయం నుంచి సాహితీ పురస్కారం లభించింది. తర్వాత ఆలంబన, ఆసరా, వేకువపాట కథా సంపుటాలు, ఊర్వశి అనే నృత్య నాటిక వెలువడ్డాయి. కథా రచనకు శ్రీమతి అబ్బూరి రుక్మిణమ్మ పురస్కారం, లేఖిని పురస్కారం, అమృతలత అపురూప పురస్కారం, యమ్వీయల్ ఆత్మీయ సత్కారం మొదలైన కొన్ని గుర్తింపులు లభించాయి. దాదాపు అన్ని ప్రముఖ వార, మాస, దిన పత్రికలలో వీరి రచనలు ప్రచురితమయ్యాయి. కొన్నిటికి బహుమతులు లభించాయి. నాగలక్ష్మి గారి కథలలో కొన్ని శ్రీమతి శాంతసుందరి రామవరపు గారి అనువాదంలో బోల్తీ తస్వీర్ కథా సంపుటిగా హిందీ లో వెలువడ్డాయి. మరి కొన్ని కథలు మరాఠీ, హిందీ, ఆంగ్లం, తమిళం, కన్నడ భాషల్లోకి అనువదించబడ్డాయి. ఆకాశవాణి ద్వారా వీరి పాటలు, కథలు, వ్యాసాలు, నాటికలు ప్రసారమయ్యాయి. సాహిత్యంతో పాటు చిత్రలేఖనంలోనూ ప్రవేశం ఉండడం వల్ల తన పుస్తకాలకు ముఖచిత్రాలు, లోపల కథకు తగిన బొమ్మలు వేసుకోవడమే కాక, ఇతర రచయితల పుస్తకాలకు కూడా వీరు ముఖ చిత్రాలు అందించారు. గత పది సంవత్సరాలుగా ‘రంగ్ రేఖ’ పేర చిన్నారులకు చిత్రలేఖనంలో శిక్షణ ఇస్తున్నారు.
సిరివెన్నెలలో విరిసిన ‘నంది’వర్ధనాలు -వారణాసి నాగలక్ష్మి వెన్నెలంటే ఎవరికిష్టం ఉండదు? దానికి సిరి కూడా తోడైతే ఆ వైభోగమే వేరు. ఆయనదెంత సిరిగల సాహిత్యం కాకపోతే ప్రతి కవీ కలవరించే, భావుకుడైన ప్రతివ్యక్తీ పలవరించే వెన్నెలనే తన పేరుగా పొందుతారు! తను గీత రచయితగా పనిచేసిన మొదటి సినిమాకే నంది అవార్డు అందుకున్న సిరివెన్నెల ఆ తరువాత ముప్ఫయ్యేళ్లకే మరో పది నందులు గెల్చుకున్నారు. గొప్ప పాటల్ని రాయడమే కాదు వాటిలో వ్యక్తమైన జీవన తాత్వికతనీ, ఔదార్యాన్నీ, […]
అనువాద రాగమంజరి -వారణాసి నాగలక్ష్మి (నెచ్చెలి తొలిసంచిక నుండి ధారావాహికరచనలు చేస్తూ ఇటీవల స్వర్గస్తులైన శ్రీమతి శాంతసుందరి గారికి నెచ్చెలి కన్నీటి నివాళులతో ఈవ్యాసాన్ని అందజేస్తోంది-) శాంత గంభీరమైన ఆమె అంతరంగంలో తెలుగు, హిందీ, ఆంగ్ల భాషలు సహజీవనం చేస్తూంటాయి. అడుగు పెట్టగానే ఆ ఇంట్లోని సాహితీ పరిమళాలు మనని చుట్టేస్తాయి. సాహిత్యమే శ్వాసగా జీవించే శాంత సుందరి, రామవరపు సత్య గణేశ్వరరావు గార్ల అపురూప దాంపత్యం తెలుగు పొదరింటికి ఎన్నో గొప్ప ‘గ్రంథరాజా’లను తెచ్చిపెట్టింది, హిందీ సాహితీ […]
