కె.వి. లక్ష్మణ రావు

Author: కె.వి. లక్ష్మణ రావు

లక్ష్మణ రావు గారి పూర్తి పేరు కొక్కెరగడ్డ వేంకట లక్ష్మణ రావు. ఆంధ్రప్రదేశ్ రాష్ట్రంలోని, తూర్పుగోదావరి జిల్లా నందు, పి.గన్నవరం మండలంలోని మానేపల్లి గ్రామంలో శ్రీమతి అన్నపూర్ణ శ్రీ కామశాస్త్రి దంపతులకు 21జులై 1978 న జన్మించారు. చిన్నతనంలో తండ్రి ప్రభావం వీరి సాహిత్యం పై ఉంది. ఆంధ్ర ప్రభ దినపత్రికలో తండ్రి రాసిన బాలల కథ "భావినేత" కథ వీరి పై చాలా ప్రభావం చూపింది. కథలే కాకుండా పద్యాలను కూడా రాసి తండ్రి వివరించేవారు. చిన్నతనం నుండి చందమామ, బుజ్జాయి బాలల పత్రికలు వీరికోసం కొని చదివించే వారు. సాహిత్య తొలి గురువు వీరి నాన్నగారే.

నాన్నగారి ప్రోద్బలంతో చిన్నతనం నుండీ చదవడం బాగా అలవాటు అయింది. అయితే 2002 అక్టోబర్ 17 న ఉపాధ్యాయ వృత్తిలోకి ప్రవేశించాకా కథలు రాయలన్న ఆసక్తి ఎక్కువైంది.

కె.వి.లక్ష్మణరావు కలం పట్టిన రోజుల్లో చందమామ పత్రిక రావడం పూర్తిగా ఆగిపోయింది. చాలా బాధ కలిగింది. మొదటి బాలల కథ "సుబుద్ది సమయ స్ఫూర్తి "బాలభారతం( ఈనాడు వారిది) లో 2014 ఆగస్ట్ నెలలో ప్రచురితమైంది. అలా అదే పత్రికలో దాదాపు 12 కధలు ప్రచురించబడ్డాయి. ఈనాడు హాయ్ బుజ్జి, బాలల బుజ్జాయి, బొమ్మరిల్లు, వార్త మొగ్గలోను, చంద్ర ప్రభ, బాలమిత్ర, సాక్షి ఫండేలోనూ, ఇలా ప్రముఖ పత్రికలన్నింటిలోనూ 150 వరకూ బాలల కధలు ప్రచురితం అయ్యాయి. 2018 విశాఖ సంస్కృతి మాస పత్రిక వారు నిర్వహించిన బాలల కథల పోటీలో వీరు రాసిన "చిగురించిన స్నేహం" కథకు ప్రధమ బహుమతి వచ్చింది. 2019 లో ఇదే పత్రిక వారు నిర్వహించిన బాలల కధల పోటీలో "ఒక్కసారి ఆలోచించండి" కథకు తృతీయ బహుమతి వచ్చింది. 2020 లో వారు నిర్వహించిన బాలల కధల పోటీలో "స్నేహ బంధం" కథకు ప్రత్యేక బహుమతి వచ్చింది. 2013 జనవరిలో విపుల (ఈనాడు వారిదే) మాస పత్రికలో ప్రచురితమైన బాలల పోస్ట్ కార్డు కథ" ఏ పేరుతో పిలిచినా "కథను చదివి కొంచెం పెద్దది చేసి దేవాలయాల నేపధ్యంలో షార్ట్ ఫిల్మ్ గా తీశారు, ప్రముఖ రచయిత, సినీ నటులైన LB. శ్రీరామ్ .

అది వీరికి ఎంతో తృప్తి, ఆనందాన్ని కలిగించింది, ఆత్మ విశ్వాసాన్ని పెంచింది.

Category:

బామ్మ చెప్పిన బాటలో! (నెచ్చెలి-2023 పోటీలో సాధారణ ప్రచురణకు ఎంపికైన కథ)

బామ్మ చెప్పిన బాటలో (నెచ్చెలి-2023 పోటీలో సాధారణ ప్రచురణకు ఎంపికైన కథ) -కె.వి.లక్ష్మణరావు సాయంత్రం ఆఫీసు నుండి ఇంటి కొచ్చేసరికి అలసట వచ్చేసింది. ఒక కప్పు కాఫీ తాగితే కానీ అలసట తగ్గదను కుంటూ గుమ్మంలోకి అడుగు పెట్టాను. నేను రోజూ ఇంటికొచ్చే సమయానికి రుక్కు హాల్లో సోఫాలో కూర్చుంటుంది. కాసేపు టి.వి. తోనో, ల్యాప్టాప్ తోనో కాలక్షేపం చేస్తూ ఉంటుంది. బీ.టెక్ కంప్లీట్ చేసింది కదా , సాఫ్ట్ వేర్ […]

Posted On : Published By : కె.వి. లక్ష్మణ రావు

బామ్మ చెప్పిన బాటలో! (నెచ్చెలి-2023 పోటీలో సాధారణ ప్రచురణకు ఎంపికైన కథ)

Menu