అమృత వాహిని అమ్మే కదా (పాట)

-డా||కె.గీత

ఆనందామృత క్షీరప్రదాయిని అమ్మే కదా
అనురాగాన్విత జీవప్రదాయిని అమ్మే కదా

ఇల్లాలై ఇలలో వెలసిన ఇలవేలుపు కదా
జో లాలై కలలే పంచిన కనుచూపే కదా
కడలిని మించే కెరటము ఎగసినా
కడుపున దాచును అమ్మే కదా-

ఉరుము మెరుపుల ఆకసమెదురైనా
అదరదు బెదరదు అమ్మే కదా
తన తనువే తరువై కాచే
చల్లని దీవెన అమ్మే కదా

జీవితమే ఒక ఆగని పోరాటం
ఆశనిరాశల తరగని ఆరాటం
కుంగిన వేళల తలచిన చాలును
దారిని చూపును అమ్మే కదా

*****

Please follow and like us:

11 thoughts on “అమృత వాహిని అమ్మే కదా (పాట)”

  1. అమ్మ పైన ఎన్ని కవితలు చదివినా మనసు నిండదు. గీతగారు ఈ గేయంలో తన కోణంలో అమ్మను రాగయుక్తంగా అద్భుతంగా ఆవిష్కరించారు. గీతగారికి అభినందనలు💐💐

  2. డా కె. గీతా గారు మీరు రాసిన ‘అమృత వాహిని అమ్మే కదా ‘ పాట సింపుల్ గా హాయిగా మనసుకు హత్తుకునేలా ఉంది మీకు అభినందనలు 💐

  3. అమ్మే కదా అమ్మే కదా అంటూ ఆద్యంతా మనసులని మీటుతూ ఎంతో హృద్యంగా ఆలపించిన ఉప్పెనలా ఉపద్రవం వచ్చిన తనువునే తరువుగా కాచిన ఆశనిరాశ ల
    నడుమ ఏమి ఆశించిన నిస్వార్థపు మహనీయురాలు అమ్మ
    ఎంత చెప్పిన తక్కువే ఏమిచ్చిన ఋణం తీర్చుకోలేము ఆ అమ్మ ప్రాదాలకి ప్రణామాలు గీతగారికి హృదయ పూర్వక అభినందనలు⚘️⚘️⚘️⚘️⚘️👏👏👏

  4. డా. కె. గీత గారు వ్రాసిన అమృత వాహిని రచన కలం గళం అద్భుతంగా ఉంది సో…. హార్ట్ టచింగ్ మేడమ్ గారు. హృదయపూర్వక శుభాకాంక్షలు శుభాభినందనలు మీకు 👏👌💐👏👌💐👏👌💐👏👌💐👏👌💐🤝🌹

  5. డా.కె. గీత గారి ‘అమృతవాహిని అమ్మే కదా’ అన్న గేయం చదివాను. మాతృమూర్తి తన బిడ్డలను ఎన్నో కష్టాలను అనుభవిస్తూ పెంచుతుంది. అందుకే ముందు తల్లికి, తరువాత తండ్రికి, తరువాత ఆచార్యునికి, ఆపైన పరమాత్మకు నమస్కరించుకోవాలి. ఈ గేయంలో తల్లిప్రేమను తనదైన శైలిలో డా.కె.గీతగారు చక్కగా వివరించారు. గేయం బాగున్నది.

    1. మీ ఆత్మీయ ప్రతిస్పందనకు ధన్యవాదాలు రంగారావు గారూ!

Leave a Reply

Your email address will not be published.