“నెచ్చెలి”మాట
సరికొత్త 2024వ సంవత్సరం!
-డా|| కె.గీత
నూతన సంవత్సరంలోకి
వచ్చేసాం!
నూతనం
అని
అనుకోవడమే
వినూత్నంగా
ఉంటుంది కదూ!
కొత్తదేదైనా
వింతే!
మార్పు
ఎప్పుడూ
ఆహ్వానించదగినదే!
కొత్తదనం
సువాసన-
ఉత్సాహం-
బలం-
వేరు కదూ!
కానీ
కొన్ని
పాతలు-
జ్ఞాపకాలు-
శిథిలాలు-
బాధలు-
నిరంతరం
వెంటాడాల్సినవీ
అంతర్లీనంగా
భద్రంగా
మోసుకెళ్ళడమే
కొత్తదనానికి
ఆభరణం
కదూ!
కొన్ని ముగిసిన
కథల్ని
కొన్ని ఆగిపోయిన
పేజీల్ని
కొన్ని విరిగిపోయిన
మనసుల్ని
కొత్తగా
మళ్ళీ
మొదలెట్టడమే
జీవితం
కదూ!
ఎప్పటికీ
నెరవేరని
కొన్ని
ఆశయాలు!
ఎన్నడూ
నెరవేర్చని
కొన్ని
ఆకాంక్షలు!
అయితేనేం
తీర్మానాలు
చేసుకొందుకు
వెనకాడని
కొత్తదనమే
ముందంతా!
మారని
రాజ్యాలు
యుద్ధాలు
విద్వేషాలు
మధ్య
మారుతున్న
భూమ్యాకాశాలు
ప్రభుత్వాలు
ఆరోగ్యాలు
తస్మాత్ జాగ్రత్తల
కొత్తదనమే
ముందంతా!
*****
పాఠకులందరికీ
రచయిత(త్రు)లందరికీ
సహకరిస్తున్న అందరికీ
నెచ్చెలి
నూతన
సంవత్సర
శుభాకాంక్షలు!
****
నెచ్చెలి పాఠకులందరికీ సదవకాశం:
ప్రతినెలా నెచ్చెలి పత్రికలో వచ్చే రచనలు / “నెచ్చెలి” యూట్యూబ్ ఛానెల్లో వచ్చిన ఆర్టికల్స్ వేటిపైనైనా వచ్చిన కామెంట్ల నించి ప్రతి నెలా ఒక ఉత్తమ విశ్లేషణా త్మక కామెంటుని ఎంపిక చేసి ప్రకటిస్తాం. పాత రచనల మీద కూడా కామెంట్లు చెయ్యవచ్చు.
మరింకెందుకు ఆలస్యం? రచనల్ని చదివి వివరంగా కామెంట్లు పెట్టడం ప్రారంభించండి.
వినూత్నం, వైవిధ్యం ప్రధాన నిలయాలైన “నెచ్చెలి” వస్తున్న వివిధ వినూత్న రచనల్ని తప్పక చూసి, చదివి ఆనందిస్తారు కదూ!
*****
డిసెంబరు 2023 లో ఎంపికైన ఉత్తమ కామెంటు రాసిన వారు: శారద (బ్రిస్బేన్)
ఉత్తమ కామెంటు అందుకున్న పోస్టు: ప్రమద-టెస్సీ థామస్ – నీలిమ వంకాయల
ఇరువురికీ అభినందనలు!
*****
డా|| కె.గీత పూర్తిపేరు గీతామాధవి. వీరు “నెచ్చెలి” వ్యవస్థాపకులు, సంపాదకులు. తూ.గో.జిల్లా జగ్గంపేటలో జన్మించారు. ప్రముఖ కథా రచయిత్రి శ్రీమతి కె. వరలక్ష్మి వీరి మాతృమూర్తి. భర్త, ముగ్గురు పిల్లలతో కాలిఫోర్నియాలో నివాసముంటున్నారు.
ఆంధ్ర విశ్వవిద్యాలయంలోఇంగ్లీషు, తెలుగు భాషల్లో ఎం.ఏ లు, తెలుగు భాషా శాస్త్రం లో పిహెచ్.డి చేసి, 10 సం. రాల పాటు మెదక్ జిల్లాలో ప్రభుత్వ కళాశాల అధ్యాపకురాలిగా పనిచేసారు. ఆంధ్ర ప్రదేశ్ ప్రభుత్వం నించి 2006 లో “ఉత్తమ ఉపాధ్యాయ అవార్డు ” పొందారు.అమెరికాలో ఇంజనీరింగ్ మేనేజ్ మెంట్ లో ఎం.ఎస్ చేసి, ప్రస్తుతం సాఫ్ట్ వేర్ రంగంలో భాషా నిపుణురాలిగా పనిచేస్తున్నారు.
ద్రవభాష, శీతసుమాలు,శతాబ్దివెన్నెల, సెలయేటి దివిటీ, అసింట కవితాసంపుటులు, సిలికాన్ లోయ సాక్షిగా కథాసంపుటి, వెనుతిరగనివెన్నెల నవల, At The Heart of Silicon Valley -Short stories (2023),Centenary Moonlight and Other Poems(2023) ప్రచురితాలు. నెచ్చెలి ప్రచురణ “అపరాజిత” – గత ముప్పయ్యేళ్ల స్త్రీవాద కవిత్వం (1993-2022) పుస్తకానికి సంపాదకులు & ప్రచురణకర్త. ‘యాత్రాగీతం’ ట్రావెలాగ్స్, ‘కంప్యూటర్ భాషగా తెలుగు’ పరిశోధనా వ్యాసాలు కొనసాగుతున్న ధారావాహికలు. అజంతా, దేవులపల్లి, రంజనీ కుందుర్తి, సమతా రచయితల సంఘం అవార్డు, తెన్నేటి హేమలత-వంశీ జాతీయ పురస్కారం, అంపశయ్య నవీన్ పురస్కారం మొ.న పురస్కారాలు పొందారు.
టోరీ రేడియోలో “గీతామాధవీయం” టాక్ షోని నిర్వహిస్తున్నారు. తానా తెలుగుబడి ‘పాఠశాల’కు కరికులం డైరెక్టర్ గా సేవలందజేస్తున్నారు. కాలిఫోర్నియా సాహితీ వేదిక “వీక్షణం”, తెలుగు రచయిత(త్రు)లందరి వివరాలు భద్రపరిచే “తెలుగురచయిత” వెబ్సై ట్ వ్యవస్థాపకులు, నిర్వాహకులు.
So నైస్.
అజయ్ కుమార్ గారూ! థాంక్యూ.