ఎంతో కొంత మిగిలే వెలితివే (కవిత)

ఎంతో కొంత మిగిలే వెలితివే (కవిత)

– శ్రీ సాహితి

నీవు నిరంతరం
ఏదో కోరికలా
ఏ పేరుతో పిలచుకున్నా
చెదరని అందంతో

గర్వపడే లోపలి లోకంలో
నాటు పడిన ఒక్క మాటగా
అర్దమెంత కోసినా
ఎంతో కొంత వెలితివే.

ఎంత కురిసినా
ముఖంలో మొలకెత్తని నిజానివే.
నీకేమీ కావాలో
తెలియకుండా తవ్వుకునే ప్రశ్నవే.

నాతో పని లేకుండా
ఏది అడగకుండానే
బాగా తెలిసిన ఇష్టాలతో
అన్నీ వేళలా అన్నీ చోట్ల…

నా లోపలే ఉంటావు
ఓ ప్రశ్నను ప్రేమగా మోస్తూ
నా కోసం వెతుకుతూ ఉంటావు.
నీవే చిరునామావని తెలియక….

*****