Day: November 9, 2021

స్వదేశం -కుందుర్తి కవిత విదేశంలో ఉంటూ దేశభక్తిమీద కవితేంటని  మొదట వ్యంగ్యంగా నవ్వుకున్నా… ఆలోచనలు ఏదో అజెండా తో గిర్రున వెనక్కి తిరిగి జ్ఞాపకాల వీధిలో జెండా పాతాయి… పదిహేనేళ్ళ నా పూర్వం పరదేశంలో తన పునాదులు వెతికింది!! ఆరునెలలకు మించి ఇంటికెళ్ళకపోతే మనసు మనసులో ఉండకపోవడం… మన దేశం నుంచి ఎవరొచ్చినా సొంతవాళ్ళలా మర్యాదలు చేయడం… మన జాతీయ హస్తకళలతో ఇంటినంతా నింపుకోవడం మన దేశపు చిన్ని భాగాన్నైనా ఇంట్లో బంధించామని పొంగిపోవడం… పిల్లలకి దేశభక్తి పాటలు నేర్పుతూ , “ఏ దేశమేగినా, ఎందుకాలిడినా” అని మైమరిచి పాడటం.. జణగణమన  తరువాత జై హింద్ కి ప్రతీసారీ అప్రమేయంగా చేయెత్తి జై కొట్టడం… ఇవన్నీ  దేశాభిమానానికి నిదర్శనం కాదా?! మన సినిమాల ప్రీమియర్ షోల కి వెళ్ళి ఈలలు వేయడం నుంచీ… మార్స్ మంగళ్ మిషన్ సఫలానికి  గుండె గర్వంతో ఉప్పొంగిపోవడం వరకూ..!! ఆనాటి క్రికెట్ వరల్డ్ కప్పులో టీం ఇండియాకి  పై కప్పులెగిరేలా ఛీర్ చేయడం నుండి మొన్న ఒలంపిక్సులో సింధు కంచుపతాకానికి  కంచు కంఠంతో అరవడం వరకూ !! అన్నిట్లో  దేశారాధరోదన వినిపించలేదా ?! కాషాయవన్నె ధైర్యం వెన్నంటే ఉంచుకుని తేటతెల్లని మమతలు మనసులో నింపుకొని అభివృద్ధికై పచ్చటి శుభసంకల్పంతో ధర్మసందేశాన్ని విస్తరించే విహంగాలై  వినీలాకాశంలో విహరిస్తూ త్రివర్ణ తత్వాన్ని త్రికరణశుద్ధిగా పాటిస్తున్న మనం.. ప్రవాసంలో కూడా స్వదేశ ఛాయలనే కదా వెతుక్కుంటున్నది?! దేశభక్తుడంటే… దేశాన్ని ఉద్ధరించే […]

అన్నీ తానై.. -చందలూరి నారాయణరావు సూర్యుడు నాకు గుర్తుకు రాడు. నాలో ఉదయించే వెలుగు వేరు.. చంద్రుడు నాకు అవసరం అనుకోను. నాలో పూసిన ఓ శశి ఉంది గాలితో నాకు పనే లేదు నాకై మొలిచిన నవ్వుల చెట్టుంది. మట్టిని ప్రత్యేకంగా తాకేదు లేదు. నాకై నడిచే ముద్రలో సంతోషాలే అన్నీ వానలో తడిసే పనే ఉండదు నాకు జ్ఞాపకాల జల్లుకు కరువేలేదు. నాకు నాతోనే పనిలేదు నాలో ఉన్న నీవు కొరత కావు. ***** చందలూరి […]

యుద్ధం ఒక గుండె కోత-11 (దీర్ఘ కవిత) -శీలా సుభద్రా దేవి కొత్త మిలీనియం ఉత్సవాల పచ్చదనం ప్రజల ఆలోచనల్లో ఇంకా వసివాడనేలేదు కొత్తగా విచ్చుకొన్న చిగురాశలు రక్తచందనమైపోయాయి అప్పుడే మిలీనియం బేబీని కన్న తల్లి పేగు పచ్చిదనం ఇంకా తగ్గనేలేదు అప్పుడే తెగిన పేగు కనుకొలకులకు గుచ్చుకొని చూపు విలవిలా కొట్టుకుంటూనే ఉంది మానవ నిర్మిత మహాసౌధాలు కూలిన దృశ్యం కంటిపాపలో తాజాగా కదుల్తూనే ఉంది కానీ – భవితవ్యం రూపుదిద్దిన ఆశాసౌధాలు కన్నవారి గుండెల్లో […]

తల్లివేరు -డా. తంగిరాల. మీరా సుబ్రహ్మణ్యం పడమటి తీరాన్ని చేరిన పక్షులు తొడుక్కున్న ముఖాలే తమవనుకున్నాయి .పాప్ లు,రాక్ లు,పిజ్జాలు,కోక్ లు పక్కింటి రుచులు మరిగాయి  .సాయంకాలం మాల్ లో పొట్టి నిక్కర్ల పోరీలు అందాల కనువిందులు .సిస్కో లో పని చేసినా, సరుకులే అమ్మినా డాలరు డాలరే!  కడుపులో లేనిది కావలించు కుంటే రాదని ,నలుపు నలుపే గానీ తెలుపు కాదని ,పనిమంతుడి వైనా ,పొరుగునే వున్నా ,పరాయి వాడివే నని ,తత్వం బోధపడే సరికి చత్వారం వస్తుంది.  అప్పుడు మొదలవుతుంది అసలైన వెతుకులాట .నేనెవరినని మూలాల కోసం తనక లాట .జండా పండుగలు,జాగరణలు ,పల్లకీ సేవలు,పాద పూజలు ,భామా కలాపాలు,బతుకమ్మ పాటలు  అస్థిత్వ ఆరాటాలు .  రెండు పడవల రెండో తరానికి  ఆవకాయ అన్నప్రాసనం ఉదయం క్వాయిర్ క్లాసు,సాయంత్రం సామజ వరగమన మన బడి గుణింతాలు, రొబొటిక్స్ ప్రాజెక్ట్ లు  అటు స్వేఛ్ఛా ప్రపంచపు పిలుపులు, ఇటు తల్లి వేరు తలపులు. ***** తంగిరాల మీరాసుబ్రహ్మణ్యం -పేరు: కె.మీరాబాయి ( కలం పేరు: తంగిరాల.మీరాసుబ్రహ్మణ్యం ) చదువు: ఎం.ఏ; పి.హెచ్.డి; సిఫెల్ మరియు ఇగ్నౌ నుండి పి.జి.డిప్లొమాలు. వుద్యోగం: ఇంగ్లిష్ ప్రొఫ్.గా కె.వి.ఆర్.ప్రభుత్వ కళాశాల,కర్నూల్ నుండి పదవీవిరమణ రచనలు: కథలు:- 1963 నుండి ఇప్పటిదాకా 200 పైగా కథలు ఆంధ్రప్రదేశ్ లోని అన్ని ప్రముఖ పత్రికలలో నవలలు 4 ( ఆంధ్రప్రభ, స్వాతి మాస పత్రికలలో) కథాసంకలనాలు:- 1.ఆశలమెట్లు 2.కలవరమాయె మదిలో,3.వెన్నెలదీపాలు,4.మంగమ్మగారి […]

నైరూప్యం లేదా అధివాస్తవికత  -డా. శ్రీనాథ్ వాడపల్లి రోజూ రాత్రి మొదలవ్వగానే ఒక విచిత్రమైన కల.  ముక్కూ మొహం తెలీని ఓ కొమ్మ పూల చెట్టు కింద ప్రేమని తుంచుకొంటూ నాకూ కొన్ని మొగ్గలు రహస్యంగా  అయితే ఆమె ప్రేమిస్తున్నట్టు అర్ధం చేసుకున్నట్టు  –  కనిపించదు. అలా అని – ఏమీ తెలీదని కాదు. పునరుజ్జీవన కాలం వర్జిన్ కళ్ళకు నా మూసిన కళ్ళలో బొట్టు రహస్యం తెలుసు.  నలుపాతెలుపాచామన ఛాయా ?పేరు కూడా తెలీదు.  ఉంటే అది నాకు నచ్చిన పేరే ఉంటుందని నా నమ్మకం.  గుమ్మం ముందు మట్టిగోలెం లోచిట్టి పువ్వు  పేరైనా అంబరంలో మినుకు తారకైనానీలి సముద్రంలో బిందువైనా  కావొచ్చు ఏదైనా నాకు నచ్చేదే.  అరచేతి చందమామతో గారాబంగా చేతులు చాపుతానుబంగారం అంటూ.  హఠాత్తుగా ఓ కీచు గబ్బిలం గోడకు కొట్టుకొన్న శబ్దం నన్ను నిద్రలేపుతుంది. ***** డా. శ్రీనాథ్ వాడపల్లిSrinath […]

 నలిగే క్షణాలు -గవిడి శ్రీనివాస్ గూడు విడిచిన పక్షి మాదిరి తపనపడ్డ క్షణాలు  నలిగిపోతున్నాయి . తుఫాను వీచినట్లు ఎడారులు ఎత్తిపోసినట్లు ఇంటికి దూరమైన పిల్లలు హాస్టల్ లో  వేలాడుతున్నారు. గుండెను తడిపే పలకరింపు కోసం దూర భారాన్ని దింపుకోవటం కోసం కన్నీటి తీగలు చెవిలో మోగుతున్నాయి . కొన్ని చేరువ  కావలసినపుడు కన్నీటి చినుకులూ కురుస్తాయి . ఈ కాసింత కాలాన్ని ఓపిక మీదే ఆరేయాలి కన్నవారి కలలు పిల్లల్లో పిల్లల కలలు ఆప్యాయతల్లో వాలుతుంటాయి . రాత్రులు కన్నీటి […]

అద్దంలో బొమ్మలు (జంధ్యాల రఘుబాబు పుస్తక సమీక్ష) -చందలూరి నారాయణరావు కంటి ముందు దృశ్యాలను మనసులో చిత్రిక పట్టి అక్షరాకృతి ఇచ్చే ఓ గొప్ప ప్రక్రియలలో కధ ఒకటి. ఇంటి నుండి ప్రపంచం దాకా, రక్త సంబంధాలు నుండి మానవ సంబంధాలు దాకా ఒక మనిషి అనుభవంలో ఎదురైన ప్రతి సంఘటనలో ప్రతి పాత్రను లోతుగా పరిశీలించి  13 కథలతో ప్రముఖ రచయిత శ్రీ జంధ్యాల రఘుబాబు గారు వ్రాసిన పుస్తకమే “అద్దంలో బొమ్మలు”.ఈ పుస్తకాన్ని రాయలసీమ కథాసింగం […]